Last updated on August 8th, 2026 at 09:39 am
ಒಡಿಪು, ಆ. 08: ಕಾಪು ತಾಲೂಕ್‌ದ ಮುದುರಂಗಡಿ ಪೇಂಟೆಡ್ ಪಟ್ಟಪಗೆಲ್‌ಡೇ ಕಾಂಗ್ರೆಸ್ ಮುಖಂಡೆ ಡೇವಿಡ್ ಡಿಸೋಜೆರೆನ್ ಕೆರ್ತಿನ ಪ್ರಕರಣೊದ ಆರೋಪಿನ್ ಪೊಲೀಸೆರ್ ಯಶಸ್ವಿಯಾದ್ ಕೈದ್ ಮಲ್ತ್‌ದೆರ್.
ಕೆರ್ತಿನ ಪ್ರಕರಣೊದ ಆರೋಪಿ ರಾಜುನ್ ಕಾಪು ಪಿಎಸ್‌ಐ ತೇಜಸ್ವಿ ಬೊಕ್ಕ ಕಾರ್ಕಳ ಗ್ರಾಮಾಂತರ ಪಿಎಸ್‌ಐ ಪ್ರಸನ್ನ ಮುತಾಲಿಕೆದ ಕೂಟ ಕೈದ್ ಮಲ್ತ್‌ದ್ ಲೆತೊಂದು ಬನ್ನಗ, ಬೈಂದೂರ್ ಕೈತಲ್ದ ಒತ್ತಿನೆಣೆ ದಲ್ಪ ಪೊಲೀಸೆರೆ ಮಿತ್ತ್ ಹಲ್ಲೆ ಮಲ್ತ್‌ದ್ ದ್ರಾಡಾಯೆರ ತೂತೆಗೆ.
ಈ ಪೊರ್ತುಡು ಆರೋಪಿ ಪದ್ರಾಡಾಪಿನೆನ್ ಉಂತಾಯೆರ ಕಾಪು ಪಿಎಸ್‌ಐ ತೇಜಸ್ವಿ ಮೇರ್ ಸರ್ವೀಸ್ ಪಿಸ್ತೂಲ್‌ಡ್ ರಾಜುನ ಕಾರ್‌ಗ್ ಬೆಡಿ ದಕ್ಕ್‌ದೆರ್. ಬೊಕ್ಕ ಆರೋಪಿನ್ ಉಲಕೈ ಮಲ್ತೊಂದೆರ್.
ನಡಪುಡು ಪಿಎಸ್‌ಐ ತೇಜಸ್ವಿ ಮೆರಗ್ಲಾ ಗಡಿಕುಲಾದಿತ್ತ್‌ದ್, ಒಡಿಪುದ ಪ್ರೈವೇಟ್ ಆಸ್ಪತ್ರೆಡ್ ಮರ್ದ್ ನಡತೊಂದುಂಡು. ಆಸ್ಪತ್ರೆಗ ಒಡಿಪು ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಹರಿರಾಮ್ ಶಂಕರ್ ಬತ್ತ್‌ದ್ ತೇಜಸ್ವಿ ಮೆರೆನ ಆರೋಗ್ಯ ವಿಚಾರಣೆ ಮಲ್ತೆರ್.
ಪ್ರಕರಣೊಗು ಸಂಬಂಧಿತ್‌ದ್ ಪೊಲೀಸೆರ್ ಎಚ್ತಿಗೆ ಜಡ್ತೆ ಮಲ್ತೊಂದುಲ್ಲೆರ್.