Last updated on August 10th, 2026 at 08:53 am
ಬೆದ್ರ ಆ. 09: ತುಳುನಾಡ್ದ ಗ್ರಾಮೀಣ ಪ್ರದೇಶ ಆಯಿನ ನಿಡ್ಡೋಡಿ / ಬೆದ್ರಡ್ ಪುಟ್ಟಿನ ಒಂಜಿ ಕನ ಇನಿ ಬುಲೆದ್ ಮಲ್ಲ ಮರ ಆದ್ ರಾಷ್ಟ್ರಮಟ್ಟೊಡು ಮೆನ್ಕೊಂದುಂಡು. ನಿಡ್ಡೋಡಿ / ಬೆದ್ರದ ರೊನಾಲ್ಡ್ ಸಿಲ್ವನ್ ಡಿಸೋಜಾ ಮೆರೆನ ದೂರದೃಷ್ಟಿ, ಪರಿಶ್ರಮ ಬೊಕ್ಕ ಬುಡಂದಿನ ಪುನೆಪುರ್ದಾವರ ಬುಲೆಯಿನ Leksa Lighting Technologies Pvt. Ltd. ಸಂಸ್ಥೆ ಭಾರತೊದ Top 100 MSME ಸಂಸ್ಥೆಲೆಡ್ ಒಂಜಿ ಪನ್ಪಿ ಪುಗರ್ತೆನ್ ಗೆಂದ್ದ್ಂಡ್.
ದೆಲ್ಲಿಡ್ 2026ತ ಆಗಸ್ಟ್ 8 ದಾನಿ ನಡತಿನ ಲೇಸ್ಡ್ MSME Udyog Foundation ದ ಕಡೆರ್ದ್ ಈ ಪ್ರತಿಷ್ಠಿತ ರಾಷ್ಟ್ರೀಯ ಮಾನ್ಯತೆನ್ ಕೊರ್ಯೆರ್.
ರೊನಾಲ್ಡ್ ಸಿಲ್ವನ್ ಡಿಸೋಜಾ ಮೇರ್, ಗುಣಮಟ್ಟ, ಶಿಸ್ತು, ತಾಂತ್ರಿಕ ನವೀನತೆ ಬೊಕ್ಕ ಭಾರತೀಯ ಉತ್ಪಾದನೆಗ್ ಒತ್ತು ಕೊರ್ಪುನ ಮುಕೇನ Leksa Lighting ಸಂಸ್ಥೆನ್ ಇನಿ ದೇಶೊದ ಪ್ರತಿಷ್ಠಿತ ಲೈಟಿಂಗ್ ಟೆಕ್ ಸಂಸ್ಥೆ ಆದ್ ಬುಲೆಪಾದೆರ್.
‘ತುಳುನಾಡ್ಡ್ ತೂಯಿನ ಒಂಜಿ ಕನ ಒಂಜಿ ದಿನ ಇಡೀ ದೇಶೊಗೇ ಬೊಲ್ಪು ಕೊರೊಡು’ ಪನ್ಪಿ ಆಶಯೊಡು ತೊಡಂಗಿನ ಈ ಪಯಣ, ಇನಿ ರಾಷ್ಟ್ರೀಯ ಮಾನಾದಿಗೆದ ನಿಲವುಗು ಎತ್ತ್ದ್ಂಡ್.