Last updated on August 11th, 2026 at 10:26 am
ಕುಡ್ಲ, ಆ. 11: ಪೋವೊಂದಿತ್ತಿನ ರೈಲ್ ಮಿತ್ತರುನ ಪೊರ್ತುಡು ಪಟ್ಟೆಗ್ ಬೂರ್ದಿನ ಪ್ರಾಯೊದಾರೆನ್ ಒರಿಯನ್ ರೈಲ್ವೆ ಪಾಯಿಂಟ್ಸ್ಮ್ಯಾನ್ ಸಮಯಪ್ರಜ್ಞೆಡ್ ಬದ್ಕಾದ್, ಆವರೆ ಇತ್ತಿನ ಭೀಕರ ಅಪಘಾತೊನು ತಪ್ಪಾದಿನ ನಡಪು ಸೋಮವಾರ ತೊರ್ತಲ್ ರೈಲ್ ಉಂತಡೆಡ್ ನಡತ್ದ್ಂಡ್.
ಮುಂಬೈರ್ದ್ ಕುಡ್ಲದಂಚಿ ಬರೊಂದಿತ್ತಿನ ರೈಲ್ಡ್ ಈ ನಡಪು ನಡತ್ದ್ಂಡ್. ರೈಲ್ ತೊರ್ತಲ್ ಉಂತಡೆಡ್ ಉಂತುದಿತ್ತಿನ ಪೊರ್ತುಡು ಪ್ರಾಯೊದಾರ್ ಒರಿ ರೈಲ್ರ್ದ್ ತಿರ್ತ್ ಜತ್ತ್ದ್ ಉಂತಡೆಡ್ ಇತ್ತಿನ ಅಂಗಡಿಗ್ ಪೋದಿತ್ತೆರ್. ಆರ್ ಪಿರ ಬನ್ನಗ ರೈಲ್ ಪಿದಡ್ದಿತ್ತ್ಂಡ್.
ಅಂಗಡಿರ್ದ್ ಗೆತೊಂದಿನ ಸೊತ್ತುನು ಅಲ್ಪನೇ ಬುಡ್ದು ಬತ್ತಿನ ಆರ್, ಅವೆನ್ ಕನಪುನ ಅಮಸರೊಡು ಕುಡ ಪೋವೊಂದಿತ್ತಿನ ರೈಲ್ ಮಿತ್ತರ್ಯೆರ ತೂತೆರ್. ಈ ಪೊರ್ತುಡು ಆಯತತ್ತ್ದ್ ರೈಲ್ದ ಪಟ್ಟೆಗ್ ಬೂರ್ದೆರ್. ರೈಲ್ದ ಚಕ್ರದಡಿಕ್ ತಿಕೊನುನೆರ್ದ್ ಒಂತೆಡೇ ಬಚಾವಾತೆರ್.
ಈ ಪೊರ್ತುಡು ಬೇಲೆಡ್ ಇತ್ತಿನ ಪಾಯಿಂಟ್ಸ್ಮ್ಯಾನ್ ಸಂದೀಪ್ ನಾಯಕ್ ಮೇರ್ ಇಂದೆನ್ ತೂತೆರ್. ಅಪಗನೇ ಅಡೆಗ್ ಪಾರೊಂದು ಬತ್ತ್ದ್, ಪಟ್ಟೆಗ್ ಬೂರ್ದಿನ ಅಜ್ಜೆರೆನ್ ರೈಲ್ರ್ದ್ ದೂರ ಒಯ್ತ್ದ್ ಸುರಕ್ಷಿತವಾದ್ ಮಿತ್ತ್ ದೆರ್ತ್ದೆರ್.
ಸಂದೀಪ್ ನಾಯಕ್ ರೆನ ಸಮಯಪ್ರಜ್ಞೆ ಬೊಕ್ಕ ತುರ್ತ ಕಾರ್ಯಾಚರಣೆರ್ದಾವರ ಅಜ್ಜೆರೆನ ಜೂವ ಒರಿದಿತ್ತ್ದ್, ಆರೆನ ಸಾಹಸೊನು ರೈಲ್ವೆ ಇಲಾಖೆ ಸೇರ್ದ್ ಸಾರ್ವಜನಿಕೆರ್ ಪುಗರೊಂದಲ್ಲೆರ್.