Last updated on August 28th, 2026 at 09:23 am
ಕುಡ್ಲ, ಆ. 28: ಪೇಂಟೆದ ಶಕ್ತಿನಗರಡ್ ಇಪ್ಪುನ ಸಾನಿಧ್ಯ ವಿಶೇಷ ಜೋಕುಲೆನ ಶಾಲೆ ಬೊಕ್ಕ ತರಬೇತಿ ಸಂಸ್ಥೆದ ಜೋಕುಲು ಪತ್ರಕರ್ತೆರೆಗ್ ರಕ್ಷಾ ಬಂಧನ ಕಟ್ಟ್ದ್ ಎಡ್ಡೆಪು ಬಯಕಿನ ಅಪರೂಪೊದ ಕಾರ್ಯಕ್ರಮ ಪತ್ರಿಕಾಭವನಡ್ ನಡತ್ಂಡ್.
ರಕ್ಷಾ ಬಂಧನೊದ ಲೆಕ್ಕೊಡು ಸಾನಿಧ್ಯ ಸಂಸ್ಥೆದ ವಿಶೇಷ ಚೇತನ ಜೋಕುಲು ಕುಡ್ಲ ಪೇಂಟೆದ ಪತ್ರಕರ್ತೆರೆನ್ ತಿಕ್ಕ್ದ್, ರಕ್ಷೆ ಕಟ್ಟ್ದ್ ಪರ್ಬೊದ ಎಡ್ಡೆಪು ಬಯಕಿಯೆರ್. ಜೋಕುಲೆನ ಕಲೆಂಕ್ದಾಂತಿ ತೆಲಿಕೆ, ಮೋಕೆ ಬೊಕ್ಕ ಆತ್ಮೀಯತೆ ಕಾರ್ಯಕ್ರಮೊದ ಪ್ರಮುಖ ಆಕರ್ಷಣೆ ಆದಿತ್ತ್ಂಡ್.
ಸಮಾಜೊಡು ವಿಶೇಷ ಚೇತನ ಜೋಕುಲೆನ ಬಗೆಟ್ ಜಾಗೃತಿ ಪುಟ್ಟಾವುನು, ಅಕಲೆನ ಚಾತುರ್ಪು ಬೊಕ್ಕ ಸಾಮರ್ತಿಗೆನ್ ಗುರ್ತಪತ್ತುನು ಅಂಚೆನೇ ಅಕಲೆನ್ ಮುಖ್ಯವಾಹಿನಿಗ್ ಕನಪುನ ದಿಟ್ಟಿಡ್ ಇಂಚಿನ ಕಾರ್ಯಕ್ರಮೊಲು ಮಹತ್ವೊದವು ಆದುಲ್ಲ.