Last updated on August 13th, 2026 at 03:29 pm
ಜೈ ತುಲುನಾಡ್ ಬೆಂಗಳೂರು (ರಿ.) ಮುತಾಲಿಕೆಡ್ ‘ತುಲುನಾಡ ಆಟಿ 2026’ ತೇದಿ 09/08/2026 ನೇ ಐತಾರ ಬೆಂಗಳೂರ್ದ ಬಿಳೇಕಹಳ್ಳಿ ವಿಜಯ ಬ್ಯಾಂಕ್ ಲೇಔಟ್ದ ಸುಂದರ್ ರಾಮ್ ಶೆಟ್ಟಿ ಸಭಾಂಗಣೊಡು ದಿ ಒರಿಜಿನಲ್ ಆಭರಣ ಸಹಯೋಗೋಡ್ ಬೊಕ್ಕ ಇಂಚಸ್ ಸ್ಟುಡಿಯೋ, ಶಂಕರ್ ಎಲೆಕ್ಟ್ರಿಕಲ್, ಯೂನಿಕ್ ಪ್ರಿ ಮೀಡಿಯಾ ಸೊಲ್ಯೂಷನ್ ಪ್ರೈವೆಟ್ ಲಿಮಿಟೆಡ್, ನಂದಿನಿ ಮೊಕುಲೆನ ಒತ್ತು ಸಹಯೋಗೊಡ್ ತುಲುನಾಡ ತನ್ನಾಲ್ಮೆದ ಪೊರ್ಮ್ಬಾಟಗಾರೆ ಕೆದಂಬಾಡಿ ರಾಮಯ್ಯ ಗೌಡ ಚಾವಡಿಡ್ ನಡತ್ಂಡ್. ಈ ಲೇಸ್ಗ್ ಸುಮಾರ್ 25 ಸಾರ ಜನ ಸಾಕ್ಷಿ ಆಯೆರ್.
ಅಯ್ಯಪ್ಪ ದೇವೆರೆಗ್ ಕಡೀರ ಪೂಜೆ ಸಂದಾದ್, ತುಲು ಕೊಡಿನ್ ರಾಪಾವೊಂದ್ ನಲಿಕೆ ಭಜನೆದೊಟ್ಟುಗು ತುಲು ಅಪ್ಪೆನ ದಿಬ್ಬಣಡ್ ಸುರು ಆಯಿನ ಕಜ್ಜನ್ ಬೊಮ್ಮನಹಳ್ಳಿದ ಶಾಸಕೆರ್ ಶ್ರೀ ಸತೀಶ್ ರೆಡ್ಡಿ ತುಡರ್ ಅರ್ಲಾದ್ ಉದಿಪನ ಮಲ್ತೆರ್. ಒಟ್ಟುಗು ತಾರಯಿ ಕುಟ್ಟುದು ಶಾಸಕೆರ್ ಶ್ರೀ ಸತೀಶ್ ರೆಡ್ಡಿ ಬೊಕ್ಕ ಶಾಸಕೆರ್ ಶ್ರೀ ಸುನಿಲ್ ಕುಮಾರ್ ಗೊಬ್ಬುದ ಉದಿಪನ ಮಲ್ತೆರ್.
ಮಾನಾದಿಗೆದ ಬಿನ್ನೆರಾದ್ ಶ್ರೀ ಗಣೇಶ್ ರಾವ್, ಶ್ರೀ ಮಹೇಶ್ ಕಾಮತ್, ಶ್ರೀ ಶಾಂತ ಬಾಬು, ಶ್ರೀ ರಾಮಕಾಂತ ಶೆಟ್ಟಿ, ಶ್ರೀ ಕರ್ನಲ್ ಭಂಡಾರಿ, ಶ್ರೀ ಪ್ರತಾಪ್ ಕುಮಾರ್, ಶ್ರೀ ಹರೀಶ್ ಶೆಟ್ಟಿ, ಶ್ರೀ ಅಶ್ವಥ್ ತುಳುವೆ, ಶ್ರೀ ವಿಜಯ್ ಕೊಡವೂರ್, ಡಾ. ದೀಪಕ್ ಶೆಟ್ಟಿ, ಶ್ರೀ ವೇದವ್ಯಾಸ ಕಾಮತ್, ಶ್ರೀ ಸತೀಶ್ ಬಾಬು, ಶ್ರೀ ರಾಕೇಶ್ ಬಂಗೇರ, ಶ್ರೀ ಸುದರ್ಶನ್ ಬೇಲೂರು, ಶ್ರೀ ಕರುಣಾಕರ ಸಾಮಾನಿ , ಶ್ರೀ ತೇಜಸ್ ಸುಧಾಕರ್ ಪಾಲ್ಪಡೆಯೆರ್.
ಮಾನಾದಿಗೆದ ಮನೆಟ್ಟ್ ಸಮಾಜ ಸೇವಕೆ ಶ್ರೀ ನವೀನ್ ಭಂಡಾರಿ, ಕ್ರೀಡಾ ಕ್ಷೇತ್ರೊದ ಶ್ರೀಮತಿ ಮುಕ್ತ ಉದಯ ರಾಜ್ ಶೆಟ್ಟಿ, ತುಲು ಪೋರ್ಂಬಾಟಗಾರೆರ್ ಶ್ರೀ ನಿಧೀಶ್ ಶೆಟ್ಟಿ ಬೊಕ್ಕ ರಕ್ತ ಆಪತ್ಭಾಂದವೆ ಶ್ರೀ ಸತೀಶ್ ಸಾಲ್ಯಾನ್ ಮಣಿಪಾಲ್, ತುಲು ಲಿಪಿತ ಕಲ್ಪಾದಿಲು, ತುಲು ಬಾಸೆದ ಕಲ್ಪಾದಿಲು, ತುಲು ಬರವುದ ಐಸಿರ ಪುಸ್ತಕೊಗ್ ಬೆನ್ನಿ ಬೆಂತಿನ ಪದುಕೆರ್, ಬಲೇ ತುಲು ಲಿಪಿಟ್ ಪುದರ್ ಬರೆಕ ಕಜ್ಜೊಡು ಸಾಧನೆ ಮಲ್ತಿನ ಕೂಟೊ, ಶ್ರೀ ಯತೀಶ್ ಕುಮಾರ್ ಮುಂಡೋಡಿ – ತುಲು ಬರವುದ ಐಸಿರ ಫಾಂಟ್ ಡಿಸೈನರ್, ಶ್ರೀ ಪ್ರಶಾಂತ್ ಕುಂಜೂರ್ – ತುಲು ಕಾಲಕೊಂದೆ(ಕ್ಯಾಲೆಂಡರ್) ಡಿಸೈನರ್, ಮೊಕುಲೆಗ್ ಮಾತ ತಮ್ಮನ- ಬಲ್ಮನ, ಅಜೋಲೆ ಪಟ್ಟುನ, ಇನಾಮು ಪಟ್ಟುನ, ಕಜ್ಜ ನಡತ್ಂಡ್. ತುಲು ಸಂವಾದೊಡು “ತುಲು ಬಾಸೆದ ಮಾನದಿಗೆ ಓಡೆ ಎತ್ತ್oಡ್” ಪನ್ಪಿ ವಿಷಯೊಡು ಶ್ರೀ ಜಿ.ವಿ. ಎಸ್. ಉಳ್ಳಾಲ್, ಅಡ್ವೋಕೇಟ್ ಶ್ರೀ ವಿನೋದ್ ಕುಮಾರ್, ಶ್ರೀ ಶಿವಾನಂದ ಸಾಲಿಯಾನ್, ಶ್ರೀ ಶರತ್ ಕೊಡವೂರ್ ಬೊಕ್ಕ ಶ್ರೀ ಜಿತೇಶ್ ಕುಲಾಲ್ ಪಾಲ್ ಪಡೆಯೆರ್.
ಮಾರಿ ಗಿಡವುನ ಆಟಿ ಕಲೆಂಜೆ, ಬೀರೆರ್ ಕೋಟಿ ಚೆನ್ನಯೇರ್ನ ಆಟ, ತೆಲಿಕೆ ಗೊಂಚಿಲ್ಡ್ ಪ್ರಶಂಸ ಕಾಪು, ತುಲು ಮಿನದನ, ಆಟಿದ ಇಸೇಸ ಒನಸ್, ಮಲ್ಲಕ್ಲೆಗ್-ಎಲ್ಯಕ್ಲೆಗ್ ಅಬ್ಬರದ ಗೊಬ್ಬುಲು ಈ ಲೇಸ್ಡ್ ನಡತ.
ಮುಗಿತಲ ಲೇಸ್ದ ಗುರ್ಕಾರ್ಮೆನ್ ಶ್ರೀ ವಿನಯ್ ಮಣಿಯಾನ ಗುರ್ಕಾರ್ಲು ಜೈ ತುಲುನಾಡ್ ಬೆಂಗಳೂರ್(ರಿ.) ವೈಸೊಂದಿತ್ತೆರ್, ಮಾನಾದಿಗೆದ ಬಿನ್ನೆರಾದ್ ಶ್ರೀ ಯು. ಟಿ. ಖಾದರ್, ಶ್ರೀ ಅರವಿಂದ ಲಿಂಬಾವಳಿ, ಶ್ರೀ ಬಿ. ಗುಣರಂಜನ್ ಶೆಟ್ಟಿ ,ಕುಮಾರಿ ಭಾಗೀರಥಿ ಮುರುಳ್ಯ, ಶ್ರೀ ಕಿರಣ್ ಚಂದ್ರ ಡಿ ಪುಷ್ಪಗಿರಿ, ಶ್ರೀ ಸೌಂದರ್ಯ ಪಿ ಮಂಜಪ್ಪ, ಶ್ರೀ ಅಶೋಕ್ ಶೆಟ್ಟಿ, ಶ್ರೀ ಅಮರನಾಥ್ ಶೆಟ್ಟಿ, ಶ್ರೀ ಉಮಾನಾಥ್ ಕೋಟ್ಯಾನ್ , ಪಾಲ್ಪಡೆಯೆರ್ . ಲೇಸ್ ಗ್ ಬೈದಿನ ತುಲುವೆರ್ ಅಕುಲೆನ ಪುದರ್ನ್ ತುಲು ಲಿಪಿಟ್ ಬರೆದ್ ಇನಾಮು ಗೆಂದಿಯೆರ್. ಕೆಲವು ಬಿನ್ನೆರ್ಲಾ ಅಕುಲೆನ ಪುದರ್ನ್ ತುಲು ಲಿಪಿಟ್ ಬರೆಯೆರ್. ತುಲು ಬಾಸೆ , ತುಲು ಲಿಪಿನ್ ಪರಡುನ ದಿಟ್ಟಿಡ್ ತುಲುನಾಡ ಆಟಿ 2026 ಪನ್ಪಿನ ಮಾ ಮಲ್ಲ ಲೇಸ್ ರಾಜಬೂಡುಡು ನಡತ್ಂಡ್.
ಶ್ರೀ ಪ್ರಸಾದ್ ರಾಜ್ ಕಾಂಚನ್ ಒಡಿಪು, ಶ್ರೀ ಕಿರಣ್ ಚಂದ್ರ ಪುಷ್ಪಗಿರಿ ಇಂಚ ಮಸ್ತ್ ಜನ ಬಿನ್ನೆರ್ ಪಣವುದ ಬೆರಿತಾಂಗ್ ಕೊರಿಯೆರ್.
ಶ್ರೀ ಅಕ್ಷಯ್ ಕಾರ್ಯಂತೆರ್ ಬೊಕ್ಕ ಶ್ರೀ ಪ್ರದೀಪ್ ಒತ್ತು ಕಾರ್ಯಂತೆರ್ ಪ್ರಾಸ್ತಾವಿಕ ಭಾಷಣ ಮಲ್ತೆರ್. ಪಣವುದ ಪಾಲವೆರ್ ಶ್ರೀ ರಂಜನ್ ಎಸ್ ವೈ ಸೊಲ್ಮೆ ಸಂದೈತ ಮಲ್ತೆರ್. ಶ್ರೀ ನಿತೇಶ್ ಶೆಟ್ಟಿ ಎಕ್ಕಾರ್, ಶ್ರೀಮತಿ ರೇಣುಕಾ ಕಣಿಯೂರ್, ಶ್ರೀ ಸತೀಶ್ ಹೊಸ್ಮಾರ್ ಲೇಸ್ ಸುದಾರ್ತ್ ಕೊರ್ಯೆರ್.