Last updated on September 4th, 2026 at 10:17 am
ಪಣಂಬೂರ್, ಸೆ. 4: ಕಾರ್ಲ ರ್ದ್ ಕುಡ್ಲಗ್ ಬರೊಂದಿತ್ತಿನ ಒಂಜಿ ಎಕ್ಸ್ಪ್ರೆಸ್ ಬಸ್ ಡ್ರೈವರ್ನ ಅಂಕೆ ತತ್ತ್ದ್ ಪೆರ್ಸಾದಿದ ಬರಿತ ಕಣಿ ಕಡತ್ ಸರ್ವಿಸ್ ರೋಡ್ಗ್ ಪಲ್ಟಿ ಆತಿನ ನಡಪು ಪಣಂಬೂರ್ ಎಂಸಿಎಫ್ ಕೈತಲ್ ರಾ.ಪೆ.66ಟ್ ಶುಕ್ರವಾರ ಕಾಂಡೆ ನಡತ್ದಿನ ಬಗೆಟ್ ವರದಿ ಆತ್ಂಡ್.
ನಡಪುರ್ದಾವರ ಬೊಳ್ಮಣ್ ನಿವಾಸಿ ಆದಿತ್ಯ ಪನ್ಪಿನಾರೆಗ್ ಗಡಿಕುಲಾದಿತ್ತ್ದ್, ಬಸ್ಡ್ ಇತ್ತಿನ ಒರಿನ 50ರ್ದ್ಲಾ ಎಚ್ಚಿಗೆ ಪ್ರಯಾಣಿಕೆರ್ ಜೂವೊಗು ದಾಲ ಆವಂದೆ ಬಚಾವಾತೆರ್ ಪನ್ದ್ ತೆರಿದ್ ಬೈದ್ಂಡ್.
ಜಾಗೆಗ್ ಬತ್ತಿನ ಬಡಕಾಯಿ ಕುಡ್ಲ ಸಂಚಾರ ಪೊಲೀಸೆರ್ ಸಾರ್ವಜನಿಕೆರೆ ಸಹಕಾರೊಡು ಕಬ್ಬೆ ಬೂರ್ದಿನ ಬಸ್ಡ್ ಇತ್ತಿನಕಲೆನ್ ಪಿದಯಿ ಕನತ್ದೆರ್.
ಈ ಬಗೆಟ್ ಇದಮುಟ್ಟ ಒವ್ವೇ ಪ್ರಕರಣ ದಾಕಲಾತಿಜಿ ಪನ್ದ್ ತೆರಿದ್ ಬೈದ್ಂಡ್.