Last updated on September 4th, 2026 at 03:28 pm
ಶಿವಮೊಗ್ಗ, ಸೆ. 04: ಪರೀಕ್ಷೆಡ್ ಕಮ್ಮಿ ಮಾರ್ಕ್ ಗೆತೊಂದೆರ್ ಪನ್ಪಿ ನೆವನೊಗು ಎಲ್ಯ ಜೋಕುಲೆಗ್ ಅತಿಥಿ ಶಿಕ್ಷಕಿ ಒರ್ತಿ ಕೋಲುಡ್ ನೆತ್ತೆರ್ ಬರ್ಪಿಲೆಕ ತಾರಾಮರ ಆಕ್ದಿನ ಅಮಾನವೀಯ ನಡಪು ಶಿವಮೊಗ್ಗ ತಾಲೂಕ್ದ ತುಮರಿ ಗ್ರಾಮ ಪಂಚಾಯತ್ ಸೀಮೆದ ಕಿರುವಾಸೆ ಕಿರಿಯ ಪ್ರಾಥಮಿಕ ಶಾಲೆಡ್ ನಡತ್ದ್ಂಡ್.
ಶಾಲೆಡ್ 2, 3 ಬೊಕ್ಕ 4ನೇ ಕ್ಲಾಸ್ಡ್ ಕಲ್ತೊಂದಿತ್ತಿನ ಮೂವೆರ್ ಜೋಕುಲೆನ ಮಿತ್ತ್ ಟೀಚರ್ ಈ ಕ್ರೌರ್ಯ ತೋಜಾದೆರ್ ಪನ್ದ್ ಆರೋಪ ಮಲ್ತ್ದೆರ್. ಪರೀಕ್ಷೆಡ್ ಕಮ್ಮಿ ಮಾರ್ಕ್ ಗೆತೊಂದಿನೆಕ್ ಬಾರೀ ಪಿಸ್ರಾಯಿನ ಟೀಚರ್, ಜೋಕುಲೆನ ಬೆರಿಟ್ ದಡಿಕೆ ಲಕ್ಕ್ದ್ ನೆತ್ತೆರ್ ಬರ್ಪುಲೆಕ ಕೋಲುಡು ಅಮಾನುಷವಾದ್ ಆಕ್ದೆರ್. ಶಾಲೆ ಮುಗಿತ್ದ್ ಇಲ್ಲಗ್ ಪಿರ ಪೋಯಿನ ಜೋಕುಲೆನ ಬೆರಿತ ಮಿತ್ತ್ ಗಾತಿದ ಗಡಿಕುಲೆನ್ ತೂಯಿನ ಅಪ್ಪೆಅಮ್ಮಗ್ ಶಾಕ್ ಆತ್ಂಡ್.
ಎಲ್ಯ ಜೋಕುಲೆಗ್ ಅಮಾನವೀಯವಾದ್ ಆಕ್ದಿನ ಅತಿಥಿ ಶಿಕ್ಷಕಿನ ಮಿತ್ತ್ ಶಿಕ್ಷಣ ಇಲಾಖೆದ ಉನ್ನತಾಧಿಕಾರಿಲು ಕಾನೂನು ಬೊಕ್ಕ ಶಿಸ್ತುಕ್ರಮ ಗೆತೊನೊಡು ಪನ್ದ್ ಜೋಕುಲೆನ ಅಪ್ಪೆಅಮ್ಮೆ ಒತ್ತಾಯ ಮಲ್ತ್ದೆರ್.