Last updated on September 1st, 2026 at 11:09 am
ಬೋಲ್ತೇರ್,ಸೆ. 01: ಪುನ ಕೌಂತಿನ ಪ್ರಕರಣೊಗು ಸಂಬಂಧಿತ್‌ದ್ ಕರಿನ ಒಂಜಿ ವರ್ಸೊರ್ದಿಂಚಿ ಬೋಲ್ತೇರ್‌ಡ್ ವಿಶೇಷ ಜಡ್ತೆ ಕೂಟೊಡು (ಎಸ್‌ಐಟಿ) ಬೇಲೆ ಮಲ್ತೊಂದಿತ್ತಿನ ಸಬ್ ಇನ್ಸ್‌ಪೆಕ್ಟರ್ ವಿನೋದ್ ರೆಡ್ಡಿ ಮೆರೆನ್ ಆಗಸ್ಟ್ 31 ತಾನಿ ಭ್ರಷ್ಟಾಚಾರ ಪ್ರಕರಣೊಡು ಸಸ್ಪೆಂಡ್ ಮಲ್ತ್‌ದೆರ್.
ರೆಡ್ಡಿ ಇಂದೆಕ್ ದುಂಬು ಉತ್ತರ ಕನ್ನಡ ಜಿಲ್ಲೆದ ಹಳಿಯಾಳ ಪೊಲೀಸ್ ಸ್ಟೇಶನ್‌ಡ್ ಸಬ್ ಇನ್ಸ್‌ಪೆಕ್ಟರ್ ಆದಿತ್ತೆರ್ ಬೊಕ್ಕ ಆರೆನ್ ಮುಂಡಗೋಡ ಪೊಲೀಸ್ ಸ್ಟೇಶನ್‌ಗ್ ಟ್ರಾನ್ಸ್‌ಫರ್ ಮಲ್ತಿತ್ತೆರ್.
ಟ್ರಾನ್ಸ್‌ಫರ್ ಬೊಕ್ಕ ತಿಂಗೊಲ್‌ದ ವಸೂಲಿಲೆಗ್ ಸಂಬಂಧಿತಿನ ವೈವಾಟ್‌ಲೆನ ಬಗೆತ ಚರ್ಚೆಲು ಪನ್ದ್ ಪನೊಂದುಪ್ಪುನ ಆಡಿಯೋ ರೆಕಾರ್ಡಿಂಗ್ ವೈರಲ್ ಆಯಿನ ಬೆರಿಟ್, ಉತ್ತರ ಕನ್ನಡ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ದೀಪನ್ ಎಂಎನ್ ಆಗಸ್ಟ್ 31 ತಾನಿ ಪ್ರಾಥಮಿಕ ವಿಚಾರಣೆ ಮಲ್ತ್‌ದ್ ಪಿಎಸ್ಐ ಕಿರಣ್ ಪಾಟೀಲ್, ಪಿಎಸ್ಐ ಕೃಷ್ಣ ಅರಿಕೆರೆ ಬೊಕ್ಕ ಪಿಎಸ್ಐ ವಿನೋದ್ ರೆಡ್ಡಿ ಸೇರ್ದ್ ಮೂವೆರ್ ಪೊಲೀಸ್ ಸಿಬ್ಬಂದಿಲೆನ್ ಸಸ್ಪೆಂಡ್ ಮಲ್ತೆರ್.
ವಿನೋದ್ ರೆಡ್ಡಿ ಹಳಿಯಾಳ ಪೊಲೀಸ್ ಸ್ಟೇಶನ್‌ರ್ದ್ ಮುಂಡಗೋಡ ಪೊಲೀಸ್ ಸ್ಟೇಶನ್‌ಗ್ ಟ್ರಾನ್ಸ್‌ಫರ್ ಆದಿತ್ತ್ಂಡಲಾ, ರಾಜ್ಯ ಸರ್ಕಾರ ವಿಶೇಷ ಜಡ್ತೆ ಕೂಟ ಉಂಡು ಮಲ್ತಿನೆರ್ದಿಂಚಿಲಾ ಆರ್ ಬೋಲ್ತೇರ್‌ಡ್ ಎಸ್‌ಐಟಿದ ಒಟ್ಟುಗು ಬೇಲೆ ಮಲ್ತೊಂದಿತ್ತೆರ್.