Last updated on September 1st, 2026 at 09:06 am
ಕುಡ್ಲ, ಸೆ. 01: ಮಂಗಳೂರು ಜಿಲ್ಲೆಡ್ ಆಟೋ ರಿಕ್ಷಾ ಪ್ರಯಾಣೊದ ರೇಟ್ ಪರಿಷ್ಕರಣೆ ಮಲ್ತಿತ್ತ್ದ್, ಸುರುತ 1.5 ಕಿ.ಮೀ ಪ್ರಯಾಣೊಗು ಕನಿಷ್ಟ 40 ರೂ. ರೇಟ್ ಗೊತ್ತು ಮಲ್ತ್ದೆರ್. ಈ ರೇಟ್ಡ್ ಎಚ್ಚ ಪನ್ಡ ಮೂಜಿ ಜನ ಪ್ರಯಾಣಿಕೆರ್ ಪೋವೊಲಿ.
ಪರಿಷ್ಕೃತ ರೇಟ್ದ ಪ್ರಕಾರ , ಸುರುತ 1.5 ಕಿ.ಮೀರ್ದ್ ಬೊಕ್ಕ ಪ್ರತಿ ಕಿ.ಮೀಗೆ 20 ರೂ ಕೊರೊಡು. ಈ ರೇಟ್ಲಾ ಎಚ್ಚ ಪನ್ಡ ಮೂಜಿ ಜನ ಪ್ರಯಾಣಿಕೆರೆಗ್ ಅನ್ವಯ ಆಪುಂಡು. ರಿಕ್ಷಾಡ್ ಸುರುತ 10 ನಿಮಿಷ ಕಾಪುನೆಕ್ ಫ್ರೀ ಆದುಪ್ಪುಂಡು. ಬೊಕ್ಕ ಪ್ರತಿ 15 ನಿಮಿಷ ಅತ್ತ್ಂಡ ಅವೆತ ಭಾಗೊಗು 5 ರೂ. ಶುಲ್ಕ ಪಾಡೊಲಿ.
ರಾತ್ರೆ 10 ಗಂಟೆರ್ದ್ ಪುಲ್ಯ 5 ಗಂಟೆ ಮುಟ್ಟ ಮಾತ್ರ ಸಾಮಾನ್ಯ ರೇಟ್ದ 1.5 ಪಟ್ಟ್ ರೇಟ್ ಪ್ರಯಾಣಿಕೆರೆಡ ಗೆತೊನ್ರ ಅವಕಾಶ ಕೊರ್ತೆರೊ. ಪರಿಷ್ಕೃತ ರೇಟ್ ರಿಕ್ಷಾ ಪ್ರಯಾಣಿಕೆರ್ ಬೊಕ್ಕ ಡ್ರೈವರ್ನಕಲೆಗ್ ಅನ್ವಯ ಆವರೆ ಇತ್ತ್ದ್, ಗೊತ್ತು ಮಲ್ತಿನ ರೇಟ್ರ್ದ್ ಎಚ್ಚ ಕಾಸ್ ಗೆತೊನ್ರೆ ಇಜ್ಜಿ.