Last updated on September 14th, 2026 at 07:42 pm
ಸೆ. 14: ಕರ್ನಾಟಕ ಬೊಕ್ಕ ಕೇರಳ ರಾಜ್ಯೊಲೆಡ್ ತುಳು ಭಾಷೆನ್ ಎಚ್ಚಿಗೆದ ಅಧಿಕೃತ ಭಾಷೆ ಆದ್ ಘೋಷಣೆ ಮಲ್ಪೊಡು ಪನ್ದ್ ಸರಕಾರೊದ ಗುಮನ ಒಯ್ಪೆರ ತುಳು ಸಂಘಟನೆಲು X (ಟ್ವಿಟರ್) ಕ್ಯಾಂಪೇನ್ದ ಅಟ್ಟನೆ ಮಲ್ತ್ದ. ಸೆಪ್ಟೆಂಬರ್ 18 ಗ್ ಕುಡ್ಲಡ್ ನಡಪುನ ಕಡೀರ ಕ್ಯಾಬಿನೆಟ್ ಇನಯೊಗು ದುಂಬು ಈ ಕ್ಯಾಂಪೇನ್ ನಡತೊಂದುಂಡು. ಸೆಪ್ಟೆಂಬರ್ 15 ಕ್ ಕಾಂಡೆ 6 ರ್ದ್ ನಡೀರ್ ಮುಟ್ಟ #TuluOfficialinKA_KL ಪನ್ಪಿ ಹ್ಯಾಶ್ಟ್ಯಾಗ್ ಗಲಸ್ದ್ ಟ್ವೀಟ್ ಮಲ್ಪೆರ ತುಳು ಸಂಘಟನೆಲು ಲೆಪ್ಪು ಕೊರ್ತ.
ಉಂದು ಇಂಚಿನ ಸುರುತ ಕ್ಯಾಂಪೇನ್ ಅತ್ತ್, 2020 ರ್ದ್ ಬೊಕ್ಕ ಒಂಜಾತ್ ಸರ್ತಿ, ಅಧಿವೇಶನೊಲು ಆಪಿನೆಕ್ ದುಂಬು ತುಳುವೆರ್ ತನ್ಕುಲೆ ಸೊರೊನು ರಾಷ್ಟ್ರೀಯ ಮಾಧ್ಯಮೊಲೆಗ್, ಸರಕಾರೊಲೆಗ್ ಎತ್ತಾಯೆರ ಬೋಡಾದ್ ಟ್ವಿಟರ್ ಕ್ಯಾಂಪೇನ್ನ್ ಮಲ್ತೊಂದು ಬೈದ.
ಈ ಸರ್ತಿದ ಕ್ಯಾಂಪೇನ್ ಮುಖ್ಯವಾದ್ ಕುಡ್ಲಡ್ ನಡಪುನ ಸಂಚಿವ ಸಂಪುಟೊದ ಇನಯೊಡು ತುಳು ಭಾಷೆನ್ ಕರ್ನಾಟಕ ರಾಜ್ಯೊದ ಎಚ್ಚಿಗೆದ ಅಧಿಕೃತ ಭಾಷೆ ಆದ್ ಘೋಷಣೆ ಮಲ್ಪೊಡು ಪನ್ದ್ ಒತ್ತಾಯ ಮಲ್ತ್ದ್ ನಡತೊಂದುಂಡು.