Last updated on October 9th, 2026 at 06:18 pm
ಮುಲ್ಕಿ, ಅ. 08: ತುಳು ಮಹಾಸಭೆ ಮುಲ್ಕಿ ವಲಯ ಬೊಕ್ಕ ತುಳು ಕಲ್ಚರಲ್ ರಿಸರ್ಚ್ ಫೌಂಡೇಶನ್(ರಿ.) ದ ಒಟ್ಟುಸೇರಿಗೆಡ್ ತುಳು ಮಾನ್ಯತೆ ಅಂಚೆನೆ ವಿಶ್ವ ತುಳು ಲಿಪಿ ದಿನಾಚರಣೆದ ಬಗೆಟ್ ವಿಚಾರ ಸಂಕಿರಣ- ತುಳು ಪಜ್ಜೆ ಪನ್ಪಿ ಲೇಸ್ ಅ. 9 ಗ್ ಮುಲ್ಕಿ ಸರಕಾರಿ ಪದವಿ ಪೂರ್ವ ಕಾಲೇಜ್ ಡ್ ನಡಪರೆ ಉಂಡು.
‘ಅರುಣಾಬ್ಜನ ಭಾರತಕಾವ್ಯೊದ ಪೊರ್ಲು’ ಈ ಬಗೆಟ್ ಸಂಪನ್ಮೂಲ ವ್ಯಕ್ತಿ ಆಯಿನ ತುಳು ಕಲ್ಚರಲ್ ರಿಸರ್ಚ್ ಫೌಂಡೇಶನ್ ದ ಸ್ಥಾಪಕೆರ್ ಶ್ರೀ ಮಹಿ ಮುಲ್ಕಿ ಮೇರ್ ಉಪನ್ಯಾಸ ಕೊರಿಯೆರೆ ಉಲ್ಲೆರ್. ಕರ್ನಾಟಕೊಡು ತುಳು ಅಧಿಕೃತ ಭಾಷೆ ಆಪಿನೆತ ಪಿರವು ಬೆನ್ತಿನ ನಮ್ಮ ತುಳುನಾಡ್ ಟ್ರಸ್ಟ್ (ರಿ.) ದ ಸ್ಥಾಪಕಾಧ್ಯಕ್ಷೆರ್, ಕರ್ನಾಟಕ ಯಕ್ಷಗಾನ ಅಕಾಡೆಮಿದ ಸದಸ್ಯೆರ್, ಶ್ರೀ ಜಿ .ವಿ. ಎಸ್. ಉಳ್ಳಾಲ್ ಮೇರ್ ತುಳು ಭಾಷೆ ಅಧಿಕೃತ ಸ್ಥಾನಮಾನ, ನನ ದುಂಬುದ ಪಜ್ಜೆಲು ಪನ್ಪಿನ ಬಗ್ಗೆ ಸಂವಾದ ಮಲ್ಪೆರೆ ಉಲ್ಲೆರ್.
ಅಂಚೆನೆ ಬೊಕ್ಕ ವಿಶ್ವ ತುಳು ಲಿಪಿ ದಿನಾಚರಣೆ ನಡಪುಂಡು. ಶ್ರೀ ಪ್ರಹ್ಲಾದ್ ತಂತ್ರಿಲು ಬರೆಯಿನ ತುಳು ವರ್ಣಾಮೃತ ಬೂಕು ಬುಡುಗಡೆ ಬೊಕ್ಕ ‘ಪುಣ್ಣಮೆದ ಬೊಲ್ಪು’ ತಿಂಗೊಲ್ದ ತುಳು ಪತ್ರಿಕೆ ಬುಡುಗಡೆ ಆಯೆರೆ ಉಂಡು. ಈ ಲೇಸ್‌ಡ್‌ ಮುಲ್ಕಿ ಸರಕಾರಿ ಪದವಿ ಪೂರ್ವ ಕಾಲೇಜ್‌ದ ಪ್ರಾಂಶುಪಾಲೆರ್ ಡಾ| ವಾಸುದೇವ ಬೆಳ್ಳೆ, ತುಳು ವರ್ಲ್ಡ್ ಫೌಂಡೇಶನ್, ಕಟೀಲಲ್‌ದ ಅಧ್ಯಕ್ಷೆರ್ ಶ್ರೀಮತಿ ಭಾನುಮತಿ ಶೆಟ್ಟಿ ಕಕ್ವಗುತ್ತು, ತುಳು ಕಲ್ಚರಲ್ ರಿಸರ್ಚ್ ಫೌಂಡೇಶನ್‌ದ ಅಧ್ಯಕ್ಷೆರ್ ಶ್ರೀ ನಿಶ್ಚಿತ್ ರಾಮಕುಂಜ, ತುಳುವ ಮಹಾಸಭೆ ಮುಲ್ಕಿ ವಲಯದ ಅಧ್ಯಕ್ಷೆರ್ ಶ್ರೀ ಉದಯ ಪೂಂಜಾ ತಾರಿಪಾಡಿಗುತ್ತು, ತುಳು ಕಲ್ಚರಲ್ ರಿಸರ್ಚ್ ಫೌಂಡೇಶನ್‌ದ ತುಳು ಲಿಪಿ ನಿರ್ದೇಶಕೆರ್ ಅಂಚೆನೇ ಸೊಲ್ಮೆಲು ಸ್ಟುಡಿಯೋಸ್‌ದ ಸ್ಥಾಪಕೆರ್ ಶ್ರೀ ನಿಶಾಂತ್ ರತ್ನಾಕರ್ ಪಾಲ್‌ಪಡೆಯೆರ ಉಲ್ಲೆರ್.
ಈ ಲೇಸ್ ಗ್ ಮಾತೆರೆನ್ಲಾ ಮುಲ್ಕಿ ತುಳುವ ಮಹಾಸಭೆತ್ತ ಸಂಚಾಲಕೆರ್ ಮಹಿ ಮುಲ್ಕಿ ಬೊಕ್ಕ ತುಳುವ ಮಹಾಸಭೆ ಮುಲ್ಕಿ ವಲಯ ಅಂಚೆನೆ ತುಳು ಕಲ್ಚರಲ್ ರಿಸರ್ಚ್ ಫೌಂಡೇಶನ್ ದ ಮಾತ ಪದುಕೆರ್ ಎದುಕೊನೊಂದುಲ್ಲೆರ್.
Mulki Sarkaari Padavi Poorva Colleged October 9g “Tulu Pajje” Les
Mulki, Oct. 08: Tulu Mahasabhe Mulki Valaya bokka Tulu Cultural Research Foundation (Ri.) da ottuseriged Tulu Maanayate anchen e Vishwa Tulu Lipi Dinaacharane da baget vichaara sankirana – “Tulu Pajje” panpi les Oct. 9g Mulki Sarkaari Padavi Poorva College d nadapare undu.
Arunaabjanda Bhaarata Kaavyoda porlu ee baget sampanmoola vyakti aayina Tulu Cultural Research Foundationda sthaapaker Shri Mahi Mulki mer upanyaasa koriyere uller. Karnatakodu Tulu adhikruta bhaashe aapinet piravu bentina Namma Tulunaad Trust (Ri.) da sthaapakaadhyaksh er, Karnataka Yakshagaana Akaademida sadasyer Shri G. V. S. Ullaal mer Tulu bhaashe adhikruta sthaanamaana, nana dumbuda pajjelu panpina bagge samvaada malpere uller.
Anchen e bokka Vishwa Tulu Lipi Dinaacharane nadapundu. Shri Prahlaad Tantrilu bareyina Tulu Varnaamruta booku budugade bokka Punnameda Bolpu tingolda Tulu patrike budugade aayere undu.
Ee lesad Mulki Sarkaari Padavi Poorva Collegeda Praanshupaaler Dr. Vaasudeva Belle, Tulu World Foundation, Kateelalda Adhyaksh er Shrimati Bhaanumati Shetty Kakvaguttu, Tulu Cultural Research Foundationda Adhyaksh er Shri Nishchith Ramakunja, Tuluva Mahasabhe Mulki Valayada Adhyaksh er Shri Udaya Poonja Taaripaadiguttu, Tulu Cultural Research Foundationda Tulu Lipi Nirdeshaker anchen e Solmel Studioesda Sthaapaker Shri Nishaanth Ratnaakar paal padeyere uller.
Ee lesag maat er enla Mulki Tuluva Mahasabhetta Sanchaalaker Mahi Mulki bokka Tuluva Mahasabhe Mulki Valaya anchen e Tulu Cultural Research Foundationda maata paduker edukononduller.