Last updated on June 6th, 2024 at 04:37 pm
ಈ ಸಲತ ಲೋಕಸಭೆತ ಓಟುಡು 99 ಸ್ಥಾನ ಗೆಂದ್ ದ್ ಕಾಂಗ್ರೇಸ್ ಕರಿನ 10 ವರ್ಸೊಡು ಕಾಲಿ ಇತ್ತಿನ ಅಧಿಕೃತ ವಿಪಕ್ಷ ನಾಯಕೆರ್ನ ಪಟ್ಟೊನು ಈ ಸಲ ದೆತೊನುಂಡು.
2014ಟ್ಟ್ 44, 2019ಡು 52 ಸ್ಥಾನ ಪಡೆದಿತ್ತಿನ ಕಾಂಗ್ರೇಸ್, ಲೋಕಸಭೆತ ಸುರುತ ಅಧ್ಯಕ್ಷೆರಾಯಿನ ಜಿ.ವಿ ಮಾಳವಂಕರ್ ಮೇರ್ ಮಲ್ದಿನ ನಿಯಮದ ಲೆಕ್ಕೊಡು ಒವ್ ಪಕ್ಷ ಲೋಕಸಭೆತ ಒಟ್ಟು ಸ್ಥಾನೊಲೆನ ಕನಿಷ್ಟ 10%(55 ಸ್ಥಾನ) ಪಡೆಪೆರೊ ಅಕುಲು ಮಾತ್ರ ಪ್ರತಿಪಕ್ಷದ ನಾಯಕೆರ್ ಆವೊಲಿ ಪನ್ದ್ ಉಪ್ಪುನೆರ್ದಾವರ ಕರಿನ ರಡ್ಡ್ ಟರ್ಮ್ ಡ್ ಪ್ರತಿಪಕ್ಷ ಸ್ಥಾನೊನು ಅಧಿಕೃತವಾದ್ ದೆತೊನರೆ ಆದಿತ್ತಿಜಿ. ಈ ಸಲ ಈ ಮಾರ್ಕ್ ದಾಂಟಿನೆರ್ದಾವರ ಕಾಂಗ್ರೇಸ್ ಲೋಕಸಭೆತ ಅಧಿಕೃತ ವಿಪಕ್ಷ ಆದ್ ಬೊಲ್ಪುಗು ಬರ್ಪುಂಡು.