Last updated on August 12th, 2024 at 01:02 pm
ತೆಲಂಗಾಣ: ತೆಲಂಗಾಣದ ಸಿರ್ಸಿಲ್ಲಾದ ಯೂಟ್ಯೂಬರ್‌ ಒರಿ ‘ಮೈರ್ ಕಜಿಪು’ (Peacock Curry) ಮಲ್ತ್‌ದ್ ತಿನ್ಪುನ ವೀಡಿಯೊ ಸಾಮಾಜಿಕ ಮಾಧ್ಯಮೊಡು ವೈರಲ್ ಆಯಿ ಬೊಕ್ಕ ಆಯನ್ ಐತಾರ (ಆ.11) ದಾನಿ ಕೈದ್ ಮಲ್ದೆರ್.
ಕೋದಂ ಪ್ರಣಯ್‌ ಕುಮಾರ್‌ (Kodam Pranay Kumar) ಪನ್ಪಿನ ಯೂಟ್ಯೂಬರ್‌‌ನ್ ಪ್ರಕರಣೊಗು ಸಂಬಂಧಿತ್‌ದ್ ಕೈದ್ ಮಲ್ದೆರ್. ಅಕ್ರಮ ವನ್ಯಜೀವಿ ತಿನ್ಪುನಕ್ ಉಮೇದ್ ಕೊರ್ಪುನೆಕ್ ಸಂಬಂಧಿತ್‌ದ್ ಪ್ರಕರಣ ದಾಖಲ್ತೊಂದೆರ್.
ರಾಷ್ಟ್ರ ಪಕ್ಕಿ ಮೈರ್‌ದ ಕಜಿಪು ಮಲ್ತ್ ತಿಂದಿನ ಪ್ರಣಯ್‌‌ನ ವಿಡಿಯೋಗೆ ಭಾರೀ ವಿರೋಧ ತೋಜಿದ್ ಬತ್ತಿನೆರ್ದಾವರ ವಿಡಿಯೋನ್ ಯೂಟ್ಯೂಬ್‌‌ರ್ದ್ ಮಾಜಾದೆರ್.
ಅರಣ್ಯ ಇಲಾಖೆಯ ಪ್ರಣಯ್‌ನ್ ಕೈದ್ ಮಲ್ತ್‌ದ್ ಆಯೆ ಮೈರ್‌ದ ಕಜಿಪು ಮಲ್ಪುನ ವಿಡಿಯೋ ಶೂಟ್ ಮಲ್ತಿನ ಜಾಗೆನ್ ಪರಿಶೀಲನೆ ಮಲ್ದ್ಂಡ್. ಪ್ರಣಯ್‌ ಇತ್ತೆ ವನ್ಯಜೀವಿ ಸಂರಕ್ಷಣಾ ಕಾಯ್ದೆದಡಿ ಆರೋಪ ತನ್ನ ಮಿತ್ತ್ ಪಾಡೊಂದೆರ್.