Last updated on October 9th, 2024 at 09:43 am
ಕುಡ್ಲ: ಐ ವಾಚ್‌ ಗಿಫ್ಟ್‌ ಕೊರ್ಪ ಪಂಡ್‌ದ್ 1.10 ಲಕ್ಷ ರೂ. ದಗೆ ಮಲ್ದಿನ ಪ್ರಕರಣೊಗು ಸಂಬಂಧಿತ್‌ದ್ ತೆನ್ಕಾಯಿ ಕುಡ್ಲ ಪೊಲೀಸ್‌ ಸ್ಟೇಷನ್‌ಡ್ ಪ್ರಕರಣ ದಾಕಲಾತ್ಂಡ್.
ಒಯಿರ್ ಕೊರ್ತಿನಾರೆಗ್ ಗುರ್ತದಾಂತಿನ ಜನ ಒರಿ ಕಾಲ್ ಮಲ್ತ್‌ದ್ Knyamed ಕಂಪೆನಿರ್ದ್ ಯಾನ್ ಕಾಲ್ ಮಲ್ತೊಂದುಲ್ಲೆ, ಎಂಕ್ಲೆನ ಕಂಪೆನಿರ್ದ್ ಈರ್ ದುಂಬು ಜವುಲಿ ಗೆತೊಂದಿತ್ತರ್, ಈರೆನ ಪುದರ್‌ಗ್ ಆಫರ್‌ ಉಂಡು. 5 ಸಾರದ ಕುಂಟು ಗೆತೊಂಡ ಐ ವಾಚ್‌ ಗಿಫ್ಟ್‌ ಕೊರ್ಪ ಪಂಡ್‌ದ್ ತೆರಿಪಾದಿತ್ತೆ. ಅವೆಕ್ ಬ್ಯಾಂಕ್‌ ಅಕೌಂಟ್‌ಗ್ ಕಾಸ್ ಪಾಡ್ರಲಾ ಪಂದಿತ್ತೆ. ಆ ಪ್ರಕಾರ ಒಯಿಲ್ ಕೊರ್ತಿನಾರ್ ಗೂಗಲ್‌ ಪೇಡ್ 5,096 ರೂ. ಕಡಪುಡ್ದಿತ್ತೆರ್.
ಮಧ್ಯಾಹ್ನ ಕುಡೊರಿ ಕಾಲ್ ಮಲ್ತ್‌ದ್ ಆರ್ಡರ್‌ ಕನ್ಫರ್ಮ್ ಣನ್ಪೆರ ಐ ವಾಚ್‌ ಬಿಲ್‌ ವಾಟ್ಸಪ್‌ನಲ್ಲಿ ಕಡಪುಡ್ದ್, ಗಿಫ್ಟ್‌ ಗೆತೊನ್ರ ಕೋಡ್‌ ಕೊರ್ದು 54,932 ರೂ. ಕಟ್ಟೊಡು ಅಂಚೆನೇ ಅವು ರಿಫಂಡ್ ಆಪುಂಡು ಪಂದ್ ತೆರಿಪಾದಿತ್ತೆ. ಅಂಚೆನೇ ಮೇರ್ ಕಾಸ್ ಕಟ್ಟ್‌ದಿತ್ತೆರ್.
ಬಯ್ಯಡ್ ಕುಡ ಆರೋಪಿ ಕಾಲ್ ಮಲ್ತ್‌ದ್ ಈರ್ ತಪ್ಪು ಕೋಡ್‌ ಪಾಡ್ದರ್, ಕುಡೊರ ಕಾಸ್ ಕಟ್ಟ್‌ಲೆ. ಅಪಗ ಮಾತ ಕಾಸ್ ರಿಫಂಡ್ ಆಪುಂಡು ಪಂದ್ ಪನ್ತೆ. ಮೇರ್ ಕುಡ 50 ಸಾವಿರ ರೂ. ಕಾಸ್ ಕಟ್ಟ್‌ದೆರ್. ಪಾವತಿ ಮಾಡಿದ ಹಣವನ್ನು ಕಾಸ್ ರಿಫಂಡ್ ಆವಂದಿನೆಕ್ ಕಾಲ್ ಮನ್ಪುನಗ ಆರೋಪಿ ಕಾಲ್ ದೆತ್ತ್‌ದಿಜೆ. ಈ ಪೊರ್ತುಡು ಆರೆಗ್ ತಾನ್ ಮಂಗೆ ಆತಿನ ತೆರಿದ್ಂಡ್. ತನ್ಕ್ 1,10,028 ರೂ. ದಗೆ ಮಲ್ದಿನ ಆರೋಪಿಲೆನ್ ಕೈದ್ ಮಲ್ತ್‌ದ್ ಬೋಡಾಪಿನ ಕ್ರಮ ಗೆತೊನೊಡು ಪಂಡ್‌ದ್ ಒಯಿಲ್ ಕೊರ್ತಿನಾರ್ ತೆರಿಪಾದೆರ್.