Last updated on October 10th, 2024 at 04:02 pm
ರಾಮಕುಂಜ: ಶ್ರೀ ಶಾರದೋತ್ಸವ ಸಮಿತಿ, ಶಾರದಾನಗರ ಉಂದೆತ ಮುತಾಲಿಕೆಡ್ 21ನೇ ವರ್ಸೊದ ಶಾರದೋತ್ಸವ ಅಕ್ಟೋಬರ್ 10ರ್ದ್ 12 ಮುಟ್ಟ ಶ್ರೀ ಶಾರದಾಂಬಾ ಭಜನಾ ಮಂದಿರೊಡು ನಡಪರೆಗುಂಡು.
ಅಕ್ಟೋಬರ್ 10, ಗುರ್ವಾರೊದಾನಿ
ಬಯ್ಯಡ್ 5:30 ಗಂಟೆಗ್ ಮಂದಿರೊಡು ಅಪ್ಪೆ ಶಾರದೆನ ಪ್ರತಿಷ್ಠೆ ಮಲ್ತ್‌ದ್, ಲೆಪ್ಪು ಕೊರ್ತಿನ ಭಜನಾ ಮಂಡಳಿಲೆನ ಭಜನೆ, ರಾತ್ರೆ 8 ಗಂಟೆರ್ದ್ ಗಾನಸಿರಿ ಕಲಾಕೇಂದ್ರ (ರಿ.) ಪುತ್ತೂರು ಮುಲ್ತ ರಾಮಕುಂಜ ಶಾಖೆದ ಜೋಕುಲೆಗ್ ಟಿ.ವಿ. ರಿಯಾಲಿಟಿ ಶೋದ ಲೆಕ ‘ಗಾನಸಿರಿ ವಾಯ್ಸ್ ಆಫ್ ಶಾರದಾನಗರ’ ಪದ ಪನ್ಪುನ ಪಂತೊ ಅಂಚೆನೇ ಜೋಕುಲೆನ ಸಾಂಸ್ಕೃತಿಕ ಕಾರ್ಯಕ್ರಮ ನಡಪರೆಗುಂಡು.
11ನೇ ಸುಕ್ರಾರೊದಾನಿ ಕಾಂಡೆ ವಾಹನ ಪೂಜೆ, ಮಾರಿ ಚಾಮುಂಡಿ, ಗುಳಿಗ ದೈವೊಲೆಗ್ ತಂಬಿಲ ನಡಪರೆಗುಂಡು. 11 ಗಂಟೆರ್ದ್ ವಾಲಿಬಾಲ್ ಗೊಬ್ಬು ನಡಪರೆಗುಂಡು.
ಮಧ್ಯಾಹ್ನ 12:30ಕ್ ಮಹಾಪೂಜೆ, ಪ್ರಸಾದ ಭೋಜನ ನಡಪುಂಡು. ಬಯ್ಯಡ್ 5 ಗಂಟೆರ್ದ್ ಸಾಮೂಹಿಕ ದುರ್ಗಾಪೂಜೆ, ಧಾರ್ಮಿಕ ಸಭೆ ನಡಪರೆಗುಂಡು. ರಾಷ್ಟ್ರೀಯ ಸ್ವಯಂ ಸೇವಕ ಸಂಘೊದ ಶ್ರೀ ಸುರೇಶ್ ಪರ್ಕಳ, ಕಲ್ಲಡ್ಕ ಮೇರ್ ಧಾರ್ಮಿಕ ಉಪನ್ಯಾಸ ಕೊರ್ಯೆರಗುಲ್ಲೆರ್. ರಾತ್ರೆ 10 ಗಂಟೆರ್ದ್ ಸಾಯಿಶಕ್ತಿ ಕಲಾ ಬಳಗ, ಉರ್ವ-ಚಿಲಿಂಬಿ ಮೊಕಲ್ನ ‘ಬೊಳ್ಳಿಮಲೆತ ಶಿವಶಕ್ತಿಲು’ ಪನ್ಪಿ ತುಳು ಪೌರಾಣಿಕ ನಾಟಕ ನಡಪರೆಗುಂಡು.
ತೇದಿ 12ನೇ ಸನಿಯಾರಜಾನಿ ಕಾಂಡೆ 9 ಗಂಟೆರ್ದ್ ಸರಸ್ವತಿ ಪೂಜೆ, ವಿದ್ಯಾರಂಭ, ಭಜನೆ ಆದ್ ಮಹಾಪೂಜೆ ನಡಪರೆಗುಂಡು. ಅವೇ ದಿನ ಕಾಂಡೆ 10 ಗಂಟೆರ್ದ್ ಜೋಕುಲು, ಜವನೆರ್, ಪೊಂಜೊವುಲೆಗ್ ಬೇತೆ ಬೇತೆ ಗೊಬ್ಬುಲೆನ ಅಟ್ಟನೆ ಆತ್ಂಡ್.
ಬಯ್ಯ 4:30 ರ್ದ್ ಭಗವದ್ಗೀತೆ ಮಸ್ತಿರೆದ ಒರುಟು ಅಪ್ಪೆ ಶಾರದೆನ ಪಲ್ಲೆಂಕಿ ಮೆರವಣಿಗೆ ನಡಪರೆಗುಂಡು.
ಈ ಮಾತ ಕಾರ್ಯಕ್ರಮೊಲೆಡ್ ಭಕ್ತೆರ್ ಭಕ್ತಿಪೂರ್ವಕವಾದ್ ಪಾಲ್‌ಪಡೆದ್ ಅಪ್ಪೆ ಶಾರದೆನ ಆಶೀರ್ವಾದ ಗೆತೊನೊಡು ಪಂದ್ ಉತ್ಸವ ಸಮಿತಿ ತೆರಿಪಾದ್ಂಡ್.