Last updated on October 10th, 2024 at 06:57 pm
ಚಾರ್ಮಾಡಿ: ಕರಿನ ರಡ್ಡ್ ದಿನೊರ್ದಿಂಚಿ ಬುಡಂದೆ ದೊರಿಯೊಂದುಪ್ಪುನ ಬರ್ಸೊರ್ದಾವರ, ಚಾರ್ಮಾಡಿ ಘಾಟಿದ ಮೂಜನೇ ತಿರ್ಗೆಲ್‌ಡ್ ಬರೆ ಜರಿದ್ ವಾಹನ ಸಂಚಾರ ಒಟ್ರಾಸಿ ಗಜಿಬಿಜಿ ಆದಿತ್ತ್‌ದ್ ಜೆಸಿಬಿಡ್ ಮಣ್ಣ್ ದೆಪ್ಪುನ ಬೇಲೆ ಜೋರುಡೆ ನಡತೊಂದುಂಡು.
ಮೂಡಿಗೆರೆದ ಸುತ್ತಮುತ್ತ ಕರಿನ ರಡ್ಡ್ ದಿನೊರ್ದಿಂಚಿ ತಾರಾಮಾರ ಬರ್ಸ ಬರೊಂದಿತ್ತಿನೆರ್ದಾವರ ಭಾರಿ ಪ್ರಮಾಣೊಡು ಬರ್ಸದ ನೀರ್ ರೋಡ್‌ಡೇ ಪೋಯಿನೆರ್ದಾವರ ರೋಡ್‌‌ಡ್ ನೇಲ್ಯ ನೇಲ್ಯ ಗುರಿಕುಲು ಉಂಡಾದಿತ್ತ್‌ದ್, ಇತ್ತೆಗ್ ಅಧಿಕಾರಿಲೆನ ಕೂಟ ಅಲ್ಪನೇ ಇತ್ತ್‌ದ್ ಮಣ್ಣ್ ಪಾಡ್ದ್ ಗುರಿ ಮುಚ್ಚಾವುನ ಬೇಲೆ ಮಲ್ಪಾವೊಂದುಲ್ಲೆರ್.
ಒಂಜಿ ಕಡೆಟ್ ಪೆರ್ಸಾದಿಗ್ ಬೂರ್ದಿನ ಮಣ್ಣ್ ದೆಪ್ಪುನ ಬೇಲೆಲಾ ನಡತೊಂದಿತ್ತ್‌ದ್, ಗಾಡಿಲೆಡ್ ಪೋಪಿನಕುಲು ಜಾಗ್‌ರ್ತೆಡ್ ಪೋವೊಡು ಪಂಡ್‌ದ್ ಅಧಿಕಾರಿಲು ಬಿನ್ನೈತೊಂದೆರ್.