ಕುಡ್ಲ : ಹಿಂದೂ ಪೊಣ್ಣನ್ ಪೀಸ್-ಪೀಸ್ ಮಲ್ಪುವೆ ಪನ್ದಿತ್ತಿನ ಆರೋಪಿ ಅರೆಸ್ಟ್!

Last updated on October 26th, 2024 at 07:51 am

ಸಾಮಾಜಿಕ ಬಲೆತ್ತಾನೊಡು ಪೊಣ್ಣೊರ್ತಿನ್ ಪೋಡಿಕೆ ಕಟ್ಟಾದ್, ಸೈಬರ್ ಕರಕರಿ ಮಲ್ದಿತ್ತಿನ ಆರೋಪಿ ಶಾರೀಕ್ ಪನ್ಪಿನಾಯನ್ ಪೋಲಿಸೆರ್ ಅರೆಸ್ಟ್ ಮಲ್ದೆರ್.

ತುಳುನಾಡ್ ಡ್ ಬಾರೀ ಪಿಸಿರ್ ಗ್ ನೆವನ ಆದಿತ್ತಿನ ಹಿಂದೂ ಪೊಣ್ಣೊರ್ತಿಗ್ ಸಾಮಾಜಿಕ ಬಲೆತ್ತಾನೊಡು ಪೋಡಿಗೆ ಕಟ್ಟಾದಿನ ವಿಷಯೊ ಇತ್ತೆ ಕೊಡಿ ಎತ್ತ್ಂಡ್. ತೊರತ್ತಲ್ ಇಡ್ಯಾದ ಪೊಣ್ಣು ಈ ಇಸಯೊಡು ತೊರತ್ತಲ್ ಪೋಲೀಸ್ ಸ್ಟೇಷನ್ ಡ್ ಒಯಿಲ್ ಕೊರ್ದಿತ್ತೆರ್. ಫಿರ್ಯಾದ್ ದ ತಾಂಗ್ ಡ್, ತೊರತ್ತಲ್ ಪೊಲೀಸ್ ಸ್ಟೇಷನ್ ದಕುಲು 22-10-2024 ತ್ತಾನಿ ಪ್ರಕರಣ ಸಂಖ್ಯೆ 123/24 ನ್ ಭಾರತೀಯ ದಂಡ ಸಂಹಿತೆದ 78, 352, 351 ಬೊಕ್ಕ ಮಾಹಿತಿ ತಂತ್ರಜ್ಞಾನ ಕಾಯ್ದೆದ 66C, 66D ಬೊಕ್ಕ 67A & B ಸೆಕ್ಷನ್ ಅಡಿ ದಾಖಲೆ ಮಲ್ತೆರ್. ಶಾರೀಕನ್ ವಿಚಾರಣೆಗಾದ್ ಠಾಣೆಗ್ ಲೆತ್ತ್ ದ್, ಆಯನ ಮೊಬೈಲ್ ಅಂಚೆನೆ ಸಾಮಾಜಿಕ ಮಾಧ್ಯಮ ಅಪ್ಲಿಕೇಶನ್‌ನ್ ಪರಿಶೀಲನೆ ಮಲ್ತೆರ್. ಆಂಡ, ಪ್ರಾಥಮಿಕ ತನಿಖೆಡ್ ಎಚ್ಚಿಗೆ ಮಾಹಿತಿ ತಿಕ್ಕಂದಿನ ಕಾರಣ, ಸಂಬಂಧಿತ ಸಾಮಾಜಿಕ ಮಾಧ್ಯಮ ಸೇವಾಪೂರಕೊಲೆರ್ದ್ ಎಚ್ಚಿನ ಒಲವು ಕೇಂದ್ಂಡ್.

24-10-2024 ತ್ತಾನಿ, ಪೊಣ್ಣಗ್ ಪಿರೊಂಜಿ ಬೆದರಿಕೆ ಸಂದೇಶ ಬೈದ್ಂಡ್, ಉಂದೆರ್ದ್ ಆಲ್ ಮಸ್ತ್ ಮಾನಸಿಕವಾದ್ ಕುಸ್ಕ್ ದ್ ಪೋದು ಈ ಕಿರುಕುಳರ್ದ್ ಆತ್ಮಹತ್ಯೆ ಮಲ್ಪರೆ ತೀರ್ಮಾನ ಮಲ್ತಿನಿ ಪನ್ದ್ ಓಲೆ ಬರೆದ್, 25-10-2024ತ್ತ ಕಾಲ್ತೆಗ್ 10 ಡೋಲೋ ಮಾತ್ರೆಲೆನ್ ದಿಂಗ್ ದ್ ಆತ್ಮಹತ್ಯೆಗ್ ಪುನೆಪು ಬತ್ತೆರ್. ಅರೆನ್ ತಾಪುರ್ತೋಪ್ ಫಾದರ್ ಮುಲ್ಲರ್ ಆಸ್ಪತ್ರೆಗ್ ಕೊನೊಯೆರ್. ಇತ್ತೆ ಸ್ಥಿರವಾದ್ ಉಲ್ಲೆರ್ ಪನ್ದ್ ತೆರಿದ್ ಬೈದ್ಂಡ್.