Last updated on November 12th, 2024 at 09:19 am
ಬೊಲ್ತೇರ್: ಶ್ರೀ ಕ್ಷೇತ್ರ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆ ಬಿ.ಸಿ.ಟ್ರಸ್ಟ್‌ ದ ಕಡೆರ್ದ್ ನ.14ತಾನಿ ಕಾಂಡೆ 10 ಗಂಟೆಗ್ ಕುಡುಮದ ಅಮೃತ ವರ್ಷಿಣಿಡ್ ನಡಪರೆಗಿಪ್ಪುನ ಗ್ರಾಮಾಭಿವೃದ್ಧಿ ಯೋಜನೆದ ಸ್ವಸಹಾಯ ಸಂಘೊಲೆನ ಪದುಕೆರೆಗ್ ಲಾಭಾಂಶ ಪಟ್ಟುನ ಕಜ್ಜೊನು ಕೇಂದ್ರ ವಿತ್ತ ಸಚಿವೆದಿ ನಿರ್ಮಲಾ ಸೀತಾರಾಮನ್ ಉದಿಪನ ಮನ್ಪೆರೆ ಉಲ್ಲೆರ್ ಪನ್ದ್ ಎಸ್‌.ಕೆ.ಡಿ.ಆರ್‌.ಡಿ.ಪಿ. ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಅನಿಲ್‌ ಕುಮಾರ್‌ ಎಸ್‌.ಎಸ್‌. ತೆರಿಪಾದೆರ್.
ಖಾವಂದೆರೆನ ಗುರ್ಕಾರ್ಮೆಡ್ ನಡಪುನ ಈ ಲೇಸ್‌ಡ್ ಜಿಲ್ಲಾ ಉಸ್ತುವಾರಿ ಸಚಿವೆ ದಿನೇಶ್‌ ಗುಂಡೂರಾವ್‌, ನಬಾರ್ಡ್‌ ಬ್ಯಾಂಕ್‌ ಅಧ್ಯಕ್ಷೆ ಶಾಜಿ. ಕೆ.ವಿ. ಮುಂಬಯಿ, ಗ್ರಾಮಾಭಿವೃದ್ಧಿ ಯೋಜನೆದ ಜ್ಞಾನವಿಕಾಸ ಕಾರ್ಯಕ್ರಮೊದ ಅಧ್ಯಕ್ಷೆದಿ ಹೇಮಾವತಿ ವೀ. ಹೆಗ್ಗಡೆ, ಸಂಸದೆ ಕ್ಯಾ| ಬ್ರಿಜೇಶ್‌ ಚೌಟೆರ್, ಶಾಸಕೆ ಹರೀಶ್‌ ಪೂಂಜೆರ್ ಇಂಚ ಪಾಲ್ ಪಡೆಯೆರ ಉಲ್ಲೆರ್ ಪನ್ದ್ ತೆರಿಪಾದೆರ್.
ನ.13ಕ್ ಫೈನಾನ್ಸ್ ಮಿನಿಸ್ಟರ್‌ನ ಒಟ್ಟುಗು ಕುಡ್ಲಡ್ ಸಂವಾದ ಮಂಗಳೂರು: ಸಿಟಿಝನ್‌ ಕೌನ್ಸಿಲ್‌ ಕುಡ್ಲ ಚಾಪ್ಟರ್‌ ಕಡೆರ್ದ್ ಕೇಂದ್ರ ವಿತ್ತಸಚಿವೆದಿ ನಿರ್ಮಲಾ ಸೀತಾರಾಮನ್‌‌ರೆನ ಒಟ್ಟುಗು ಅನೌಪಚಾರಿಕ ಸಂವಾದ ಕಾರ್ಯಕ್ರಮ ನ.13ತಾನಿ ಬಯ್ಯ 6.30ಕ್ಕ್ ಟಿ.ಎಂ.ಪೈ ಕನ್ವೆನ್ಶನ್‌ ಸೆಂಟರ್‌ಡ್ ಅಟ್ಟನೆ ಆತ್ಂಡ್. ಕಾರ್ಯಕ್ರಮೊಡು ಪಾಲ್‌ಪಡೆಪಿನಕುಲು https://forms.gle/TZDfNHZVtmSHgnaj6 ಲಿಂಕ್‌ ಮುಕೇನ ರಿಜಿಸ್ಟರ್ ಮಲ್ತೊನೊಲಿ ಪನ್ದ್ ಕೌನ್ಸಿಲ್‌ ಪ್ರಕಟಣೆ ತೆರಿಪಾದ್ಂಡ್.