Last updated on November 12th, 2024 at 07:42 pm
ಚನ್ನಪಟ್ಟಣ ಉಪಚುನಾವಣೆಟ್ ಕಾಂಗ್ರೇಸ್ ಅಭ್ಯರ್ಥಿ ಸಿ.ಪಿ ಯೋಗೇಶ್ವರ್ ಮೆರೆನ ಲೆಕ್ಕೊಟು ಪ್ರಚಾರ ಮಲ್ಪುನಗ ಭಾಷಣದ ನಡುಟು ಕೇಂದ್ರ ಸಚಿವೆರಾಯಿನ ಕುಮಾರಸ್ವಾಮಿ ಮೆರೆಗ್ “ಕರಿಯ ಕುಮಾರಸ್ವಾಮಿ” ಪನ್ದ್ ಪನ್ತಿನ ಪಾತೆರೊಗು ಮಾತಾ ಕಡೆಟ್ ಖಂಡನೆ ಬತ್ತಿನ ತೂದು ರಾಜ್ಯದ ಸಚಿವೆರಾಯಿನ ಜಮೀರ್ ಅಹ್ಮದ್ ಮಾಪು ಕೇನ್ದೆರ್.
ಮೈಸೂರುಡು ಮಾಧ್ಯಮ ಪ್ರತಿನಿಧಿಲೆನ ಒಟ್ಟುಗು ಪಾತೆರಿನ ಆರ್, ಯಾನ್ ಪನ್ತಿನ ಪಾತೆರೊಡು ಜೆಡಿಎಸ್ ದಕಲೆಗ್ ಬೇನೆ ಆದಿತ್ತ್ಂಡ ಯಾನ್ ಮಾಪು ಕೇನುವೆ ಪನ್ದ್ ಪನ್ಡೆರ್. ಯಾನ್ ದುಂಬುರ್ದುಲಾ ಕುಮಾರಸ್ವಾಮಿನ್ ಕರಿಯಣ್ಣ ಪನೊಂದಿತ್ತೆ ಆರ್ ಎನನ್ ಕುಳ್ಳ ಪನ್ದ್ ಲೆತ್ತೊಂದಿತ್ತೆರ್ ಪನ್ದ್ ಪನ್ಡೆರ್.