ತೀರ್ಪುಗಾರೆರೆನ ತೀರ್ಮಾನನೇ ಫೈನಲ್ : ಜಿಲ್ಲಾ ಕಂಬುಲ ಸಮಿತಿ ನಿರ್ಧಾರ

Last updated on November 27th, 2024 at 10:09 am

ಕಂಬುಲೊಡು ತೀರ್ಪುಗಾರೆರೆನ ತೀರ್ಮಾನನೇ ಅಂತಿಮ ಪನ್ದ್ ಜಿಲ್ಲಾ ಕಂಬುಲ ಸಮಿತಿದ ಸಭೆಟ್ ನಿರ್ಣಯ ಮಲ್ದೆರ್. ಜಿಲ್ಲಾ ಕಂಬುಲ ಸಮಿತಿದ ಅಧ್ಯಕ್ಷೆ ಬೆಳಪು ದೇವಿಪ್ರಸಾದ್ ಶೆಟ್ಟಿ ಮೆರೆನ ಅಧ್ಯಕ್ಷತೆಡ್ ಬೆದ್ರಡ್ ಅಂಗಾರೆ ನಡತಿನ ಸಭೆಟ್ ಈ ಬಗೆಟ್ ನಿರ್ಣಯ ಆಂಡ್.

ತೀರ್ಪುಗಾರೆರ್ನಕುಲು ಕೊರ್ಪಿನ ತೀರ್ಪುದ ಬಗೆಟ್ ಕಂಬುಲ ಆಯೋಜಕೆರ್ ಆವಡ್, ಎರಿಕುಲೆನ ಯಜಮಾನೆರ್ ಆವಡ್ ಏರ್ಲಾ ಪ್ರಶ್ನೆ ಮಲ್ಪುಲೆಕ್ಕ ಇಜ್ಜಿ. ದಾಲಾ ಎಚ್ಚಿಕಮ್ಮಿ ಆಂಡ ಅವೆನ್ ಕಂಬುಲ ಸಮಿತಿದ ಎದುರು ಕನವೊಡು ಅತ್ತಂದೆ ತೀರ್ಪುಗಾರೆರೆನ್ ಅತ್ತ್ ಪನ್ದ್ ಪನ್ಡೆರ್.

ಕಂಬುಲೊಗು ರಾಜ್ಯ ಸರಕಾರದ ಮಾನ್ಯತೆ ತಿಕ್ಕುದ್ಂಡ್ ಅಂಚೆನೆ ಕೇಂದ್ರೊಡುಲಾ ಮಾನ್ಯತೆ ದೆತೊನರೆ ಕಂಬುಲ ಸಮಿತಿರ್ದ್ ಅರ್ಜಿ ಪಾಡ್ದ ಪನ್ದ್ ಆರ್ ಪನ್ಡೆರ್.