ಬೊಲ್ತೇರ್ : ಮೀಯರೆ ಪೋಯಿನ ಮೂಜಿ ಜವನೆರ್ ನೀರ್‌ಪಾಲ್

Last updated on November 28th, 2024 at 10:23 am

ಲೇಸ್‌ದ ಲೆಕ್ಕೊಡು ಬೈದಿನ ಜವನೆರ್ ವನಸ್ ಆದ್ ತುದೆಕ್ ಮೀಯರೆ ಪೋದು ನೀರ್‌ಪಾಲ್ ಆತಿನ ನಡಕೆ ಬೊಲ್ತೇರ್ ತಾಲೂಕುದ ವೇಣೂರು ಪೋಲೀಸ್ ಸ್ಟೇಷನ್ ಗಡುಟು ನಡದ್ಂಡ್.

ಬೊಲ್ತೇರ್ ತಾಲೂಕುದ ಮೂಡುಕೋಡಿ ಗ್ರಾಮದ ವಾಲ್ಟರ್ ಪನ್ಪಿನರೆನ ಇಲ್ಲಗ್ ಲೇಸ್ ಗ್ ಬೈದಿನ ಬೆದ್ರ ಎಡಪದವುದ ಲಾರೆನ್ಸ್(20), ಬೊಲ್ತೇರ್ ಪಾರೆಂಕಿದ ಸೂರಜ್(19), ಬಂಟ್ವಾಳ ವಗ್ಗದ ಜೈಸನ್(19) ಪನ್ಪಿನ ಜವನೆರ್ ನವೆಂಬರ್ 27ತ್ತಾನಿ ವನಸ್ ಪೂರಾ ಮಲ್ತ್ ಮೂಡುಕೋಡಿ ಗ್ರಾಮದ ಬರ್ಕಾಜೆ ಡ್ಯಾಂದಲ್ಪ ಮೀಯರೆ ಪೋದು, ಆ ಪೊರ್ತುಡು ಒಯಿಲ್ ಗ್ ತಿಕ್ಕೊಂದು ನೀರ್ ಪಾಲ್ ಆತೆರ್. ಮೂಜಿ ಜನತ ಎಚ್ಚಿನ್ಲಾ ನೀರ್ ರ್ದ್ ಮಿತ್ತ್ ದೆಯಿದೆರ್. ವೇಣೂರು ಪೋಲಿಸೆರ್ ಜಾಗೆಗ್ ಪೋದು ಜಡ್ತೆ ಮಲ್ದೆರ್.