ಡಿವೋರ್ಸ್ ವಿಷಯೊಡು ಲಡಯಿ, ಮಂಡೆಬೆಚ್ಚೊಡು ಜೀವ ದೆತ್ತೊಂಡಿನ ಕಂಡನೆ

Last updated on January 2nd, 2025 at 10:16 am

ಡಿವೋರ್ಸ್ ಆದ್ ಬೊಡೆದಿರ್ದ್ ದೂರ ಆಯಿನ ಖಿನ್ನತೆಡ್ ಪುಗಾರ್ತಮದ ಉದ್ಯಮಿ ಒರಿ ಜೀವ ದೆತ್ತೊಂಡಿನ ನಡಕೆ ನಡದ್ಂಡ್. ಪ್ರಸಿದ್ದ ದೆಹಲಿ ಬೇಕರಿದ ಧನಿಯಾಯಿನ ಪುನೀತ್ ಖುರಾನಾ ಮೇರ್ ಜೀವ ದೆತ್ತೊಂದಿನಾರ್.

ಮೇರ್ ಅಂಗಾರೆ ಬಯ್ಯಗ್ ಮಾಡೆಲ್ ಟೌನ್ ದ ಕಲ್ಯಾಣ ವಿಹಾರ್ ಜಾಗೆಡ್ ಅರೆನ ಅದೆಟ್ ಬಲ್ಲ್ ಪಾಡೊಂದು ಜೀವ ದೆತ್ತೊಂದೆರ್. ಕುಟುಂಬದ ಸದಸ್ಯೆರೆನ ಲೆಕ್ಕೊಡು 38 ವರ್ಸ ಪ್ರಾಯದ ಪುನೀತ್ ಮೇರ್ ಡಿವೋರ್ಸ್ ದ ವಿಷಯೊಡು ಮಸ್ತ್ ಖಿನ್ನತೆಗ್ ಪೋದಿತ್ತೆರ್. ಜೀವ ದೆತ್ತೊನುನ ಒಂತೆ ಪೊರ್ತು ದುಂಬು ಬೊಡೆದಿನೊಟ್ಟುಗು ಫೋನ್ ಡ್ ಪಾತೆರ್ದಿತ್ತೆರ್. ಈ ಪೊರ್ತುಡು ಇರ್ವೆರ್ಲಾ ಲಡಯಿ ಮಲ್ತೊಂದೆರ್. ಬೊಡೆದಿನೊಟ್ಟುಗು ಲಡಯಿ ಮಲ್ತಿಬೊಕ್ಕ ನನಲಾತ್ ತಗ್ಗ್ ದ್ ಪೋಯಿನ ಪುನೀತ್ ಆತ್ಮಹತ್ಯೆ ಮಲ್ತೊಂದೆರ್ ಪನ್ದ್ ತೆರಿದ್ ಬೈದ್ಂಡ್.