Last updated on January 31st, 2025 at 03:03 pm
ಬೊಲ್ತೇರ್, ಜ.31: ಪೋವೊಂದುಪ್ಪುನಗನೇ ಕೆಎಸ್‌ಆರ್‌ಟಿಸಿ ಬಸ್ಸ್ ಒಂಜೆತ ಟಯರ್ ಕದೆಲ್‌ದಿನ ನಡಕೆ ಉಜಿರೆ ಮುಟ್ಟದ ಕಾಶಿಬೊಟ್ಟು ಟಿ.ಬಿ. ಕ್ರಾಸ್-ಕುಂಟಿನಿ ಸಾದಿಡ್ ಕೋಡೆ ಜನವರಿ 30ದಾನಿ ನಡತ್‌ದ್ಂಡ್.
ಕರಿನ ರಡ್ಡ್ ದಿನೊಕು ಪಿರವು ಮುಂಡಾ ಮುಟ್ಟಡ್ ಸೋಮಂತಡ್ಕಡ್ ಡ್ರೈವರ್‌ನ ಅಂಕೆ ತತ್ತ್‌ದ್ ಬಸ್ ಚರಂಡಿ‌ಗ್ ಪೋತಿನ ನಡಕೆದ ಬೆರಿಟೇ ಈ ಅವಘಡ ಪಡತ್‌ದ್ಂಡ್. ಕುಡುಮ ಕೊಲ್ಲಿ ಮಾರ್ಗ ಆದ್ ಪೋಪುನ ಕೆಎಸ್‌ಆರ್‌ಟಿಸಿ ಬಸ್ ಟಯರ್ ಕದೆಲ್‌ದ್ ಉಂತುದಿನ ಆತಂಕಕಾರಿ ನಡಕೆ ಉಂದಾದುಂಡು.
ಚರಂಡಿ ನಡಕೆರ್ದ್ ಬೊಕ್ಕ ಕೆಎಸ್‌ಆರ್‌ಟಿಸಿ ಸಮಗಟ್ಟ್ ಬಸ್ ಕೊರಂದೆ ಜೋಕುಲೆಗ್ ಸಮಸ್ಯೆ ಆವೊಂದಿತ್ತ್‌ದ್, ಎಚ್ಚ ಬಸ್ ಅಂಚೆನೇ ಬೇತೆ ಕಾಯೆಸ್‌ಲೆನ್ ದುಂಬು ದೀದ್ ಬುದಾರ ಎಬಿವಿಪಿ ವಿದ್ಯಾರ್ಥಿಲು ಉಜಿರೆಡ್ ಪೊರ್ಮ್ಬಾಟ ಮಲ್ತಿತ್ತೆರ್. ಅವೆತ ಬೆರಿಟೇ ಕುಡ ಬಸ್‌ದ ಟಯರ್ ಅಲಕ್ಕ ಕದೆಲ್‌ದ್ ಬೂರ್ದು ಬಸ್‌ಲೆನ ಗುಜಿರಿ ಸ್ಥಿತಿಟ ಬಗೆಟ್ ಪೋಡಿಗೆ ಆಪುಲೆಕ ಮಲ್ದ್ಂಡ್.
ಬಸ್ಸ್‌ಲೆನ ಕುಂದೆಲ್‌ರ್ದಾವರ ಲೆಕ್ಕೊರ್ದು ಎಚ್ಚ ಜನ ಪಾಡುನು ಅಂಚೆನೇ ಪೆರ್ಸಾದಿಡ್ ಮುಗಿಯಂದಿನ ಕಾಮಗಾರಿರ್ದಾವರ ಗುಂಡಿ ಗುರುಂಪುಲೇ ದಿಂಜಿದಿನ ರೋಡ್‌ಡ್ ಪೋದು ಪೋದು ಬಸ್ಸ್‌ಲ್ ಅಲಕ್ಕ ತೆಟ್ಟ್‌ದ್ ಪೋತ ಪನ್ದ್ ಸಾರ್ವಜನಿಕೆರ್ ಆಕ್ರೋಶ ತೋಜಾಯೆರ್.