Last updated on February 2nd, 2025 at 03:57 pm
ಒಡಿಪು ಫೆಬ್ರವರಿ 02: ಕರ್ನಾಟಕ ರಾಜ್ಯೊಡು ನಕ್ಸಲ್ ಶರಣಾಗತಿ ದುಂಬರಿದ್ಂಡ್. ಕರಿನ 20 ವರ್ಸೊರ್ದಿಂಚಿ ನಾಪತ್ತೆಯಾದಿತ್ತ್‌ದ್, ಪೊಲೀಸೆರೆಗ್ ವಾಂಟೆಂಡ್ ನಕ್ಸಲ್ ಆದಿತ್ತಿನ ಕುಂದಾಪುರ ತಾಲೂಕ್‌ದ ತೊಂಬೊಟ್ಟುದ ಲಕ್ಷ್ಮೀ ಇನಿ ಒಡಿಪು ಜಿಲ್ಲಾ ಪೊಲೀಸ್ ಅಧೀಕ್ಷಕೆರೆ ಕಚೇರಿಡ್ ಶರಣಾತೆರ್.
ಇಂಚಿಪ್ಪೊಗು ನಕ್ಸಲ್ ನಾಯಕೆ ವಿಕ್ರಂ ಗೌಡೆ ಶೂಟೌಟ್ ಆಯಿ ಬೊಕ್ಕ ಕರ್ನಾಟಕೊದ ಮಾತಾ ನಕ್ಸಲೆರ್ ಶರಣಾಗತಿ ಆವೊಂದುಲ್ಲೆರ್. ಈ ನಡುಟು ಒಡಿಪು ಜಿಲ್ಲೆದ ಕಡೀರ್ದ ನಕ್ಸಲ್ ಪೊರ್ಮ್ಬಾಟಗಾರ್ತಿ ತೊಂಬೊಟ್ಟುದ ಲಕ್ಷ್ಮೀ, ಒಡಿಪು ಜಿಲ್ಲಾ ಪೊಲೀಸ್ ಅಧೀಕ್ಷಕೆರೆ ಕಚೇರಿಡ್ ಶರಣಾತೆರ್.
ಪೊಲೀಸ್ ಕಾಪುದೊಟ್ಟುಗು ಎಸ್ಪಿ ಕಚೇರಿಗ್ ಬತ್ತಿನ ಲಕ್ಷ್ಮೀ ನ ಒಟ್ಟುಗು ಆರೆನ ಪಲಯೆ ವಿಠಲ ಪೂಜಾರಿ ಬೊಕ್ಕ ಸಂಬಂಧಿಕೆರ್ ಅಂಚೆನೇ ನಕ್ಸಲ್ ಶರಣಾಗತಿ ಬೊಕ್ಕ ಪುನರ್ವಸತಿ ಸಮಿತಿದ ಪದುಕೆರಾಯಿನ ಶ್ರೀಪಾಲೆ ಇತ್ತೆರ್. ಎಸ್ ಪಿ ಡಾ.ಕೆ ಅರುಣ್, ಎಚ್ಚಿಗೆದ ಎಸ್ಪಿ ಎಸ್ ಟಿ ಸಿದ್ದಲಿಂಗಪ್ಪ ಸಮ್ಮುಖೊಡು ಶರಣಾಗತಿ ಪ್ರಕ್ರಿಯೆ ನಡತ್ಂಡ್.