Last updated on February 7th, 2025 at 08:53 am
ಕುಡ್ಲ: ಪಾಂಡೇಶ್ವರಡ್ ಇಪ್ಪುನ ಫಿಝಾ ಬೈ ನೆಕ್ಸಸ್ ಮಾಲ್ ಬೊಕ್ಕ ಕುಡ್ಲದ ಪುದರ್ ಪೋತಿನ ಟ್ರೈ ತಿಂಡಿ ಇನ್ಸ್ಟಾಗ್ರಾಮ್ ಪೇಜ್ ಒಟ್ಟುಸೇರಿಗೆಡ್ ಫೆಬ್ರವರಿ 7, 8 ಬೊಕ್ಕ 9 ದಾನಿ 3 ದಿನ ಐಸ್‌ಕ್ರೀಮ್ ಪರ್ಬದ ಅಟ್ಟನೆ ಮಲ್ದೆರ್. 2ನೇ ಆವೃತ್ತಿದ ಐಸ್‌ಕ್ರೀಮ್ ಪರ್ಬ ಉಂದಾದಿತ್ತ್‌ದ್ ಮೂಜಿ ದಿನೊಲಾ ಕಾಂಡೆ 11ರ್ದ್ ರಾತ್ರೆ 9 ಮುಟ್ಟ ನಡಪುಂಡು ಪನ್ದ್ ಕಾರ್ಯಕ್ರಮೊದ ಆಯೋಜಕೆರಾಯಿನ ಕಿರಣ್ ಶೆಣೈ ಪತ್ರಿಕಾಗೋಷ್ಟಿಡ್ ಒಲವು ಕೊರ್ಯೆರ್.
ಕುಡ್ಲನ್ ಐಸ್‌ಕ್ರೀಮ್ ಕ್ಯಾಪಿಟಲ್ ಆಫ್ ಇಂಡಿಯಾ ಪನ್ದ್ ಲೆಪ್ಪುನ ಈ ಪೊರ್ತುಡು ಮಾತಾ ಐಸ್‌ಕ್ರೀಮ್ ಸಂಸ್ಥೆಲೆನ್ ಒಂಜೇ ಚಪ್ಪರದಡಿಡ್ ಸೇರಾವೊಡು ಪನ್ಪಿನ ಆಲೆಚನೆ ಆಯೋಜಕೆರೆನ ಆದಿತ್ತ್‌ದ್, ಆ ಪ್ರಕಾರೊಡು ಈ ಸರ್ತಿ 14 ಸಂಸ್ಥೆಲು ಈ ಪರ್ಬಡ್ ಪಾಲ್ ಪಡೆಪ. ಪಾಲ್ ಪಡೆಪಿನ ಐಸ್‌ಕ್ರೀಮ್ ಸಂಸ್ಥೆಲು
- ಐಡಿಯಲ್ – ಪಬ್ಬಾಸ್
- ಹ್ಯಾಂಗ್ಯೋ
- ಮ್ಯಾಂಗೋ ಬೆರ್ರಿಸ್
- ಎಂಚಿ ಕ್ರಂಚಿ – ದಿ ಮಿಲೆಟ್ ಹೌಸ್
- ಸ್ಕೂಪ್ಸೊ
- ಕೈಲಾರ್ಸ್
- ಸ್ವಿರ್ಲಿಯೊ
- ಎಫ್ 5
- ಐಸ್‌ಕ್ರೀಮ್ ಆಂಡ್ ಮೋರ್
- ಫ್ರೂಟ್ ಪೊಪ್ಜ್
- ಫ್ಲೇವರ್ಸ್
- ಹೈವ್ ಸ್ಕ್ಯೂಬ್
- ಬೊನ್ ಬೊನ್ಸ್
- ಕ್ಯಾಮೆರಿ
2024 ಟ್ ಸುರುಕು ಐಸ್‌ಕ್ರೀಮ್ ಪರ್ಬದ ಕಡೀರ ಆವೃತ್ತಿಡ್ ಎಚ್ಚಿನ ಸಂಖ್ಯೆಡ್ ಜನ ಸೇರ್ದ್ ಎಡ್ಡೆ ರೆಸ್ಪಾನ್ಸ್
ತಿಕ್ಕ್‌ದಿತ್ತ್ಂಡ್. ಈ ಸರ್ತಿಲಾ ಎಡ್ಡೆ ರೆಸ್ಪಾನ್ಸ್ ಬರ್ಪುಂಡು ಪನ್ದ್ ಎನ್ನಿದ ಪನ್ದ್ ಪತ್ರಿಕಾಗೋಷ್ಠಿಡ್ ಪನ್ಡೆರ್.
ಇನಿ, ಫೆಬ್ರವರಿ 7 ತಾನಿ ಬಯ್ಯ 5 ಗಂಟೆಗ್ ಪುಗರ್ತೆದ ಯೂಟ್ಯೂಬರ್ ಭಟ್ & ಭಟ್ ಚಾನೆಲ್‌ದ ಸುದರ್ಶನ್ ಭಟ್ ಬೊಕ್ಕ ಮನೋಹರ್ ಭಟ್ ಮೊಕುಲೆಗ್ ಯುಟ್ಯೂಬ್‌ಡ್ 12 ಲಕ್ಷೊಗ್ಲಾ ಎಚ್ಚ ಫೋಲೋವರ್ಸ್ ಇತ್ತ್‌ದ್ ರೆಸಿಪಿ ಕ್ಷೇತ್ರೊಡು ಸಾದಗೊ ಮಲ್ತಿನೆಕ್ ವಿಶೇಷ ಸನ್ಮಾನ ಕಾರ್ಯಕ್ರಮ ನಡಪರೆಗುಂಡು. ಸನ್ಮಾನ ಕಾರ್ಯಕ್ರಮೊಗು ಇಚೈ ಕುಡ್ಲ ಬ್ರಾಂಚ್‌ದ CA ಗೌತಮ್ ಪೈ ಒತ್ತುಪಾಲ್‌ಡುಪ್ಪೆರ್. ಒಟ್ಟುಗು ಐಸ್‌ಕ್ರೀಮ್ ಪರ್ಬಡ್ ಪಾಲ್‌ಪಡೆಪಿನ ಐಸ್‌ಕ್ರೀಮ್ ಸಂಸ್ಥೆಲೆನ ದನಿಕುಲುಲಾ ಇಪ್ಪುವೆರ್. ಪತ್ರಿಕಾಗೋಷ್ಠಿಡ್ ಅಭಿಷೇಕ್ ಶೆಟ್ಟಿ ಇತ್ತೆರ್
ಎಚ್ಚಿನ ಒಲವುಗು 8317489506 ಸಂಪರ್ಕಿಪೊಲಿ.