Last updated on February 12th, 2025 at 07:06 pm
ತುಳು ಕಲ್ಚರಲ್ ರಿಸರ್ಚ್ ಫೌಂಡೇಶನ್ ದಕುಲು ಮಲ್ಪಾವೊಂದಿಪ್ಪುನ ತುಳುನಾಡ್ ಕಾನ್ಕ್ಲೇವ್ 2025 ಉಂದೇ ಬರ್ಪಿ ಎಪ್ರೀಲ್ 13ಕ್ಕ್ ಕಟಪಾಡಿ ವಿಶ್ವನಾಥ ಕ್ಷೇತ್ರೊಡು ನಡಪರೆ ಉಂಡು.
ಕಾಂಡೆರ್ದ್ ಬಯ್ಯಮುಟ್ಟ ತುಳುತ ಪಾಕ ವಿಷಯೊಲೆನ ಬಗೆಟ್ ಚರ್ಚೆ, ಪಾತೆರಕತೆ ನಡಪರೆ ಉಂಡು ಮಾತ್ರ ಅತ್ತಂದೆ ಈ ವಿಚಾರ ವಿನಿಮಯದ ಡಿಜಿಟಲ್ ದಾಖಲೀಕರಣ ಮಲ್ಪುನ ಕಜ್ಜಲಾ ನಡಪುಂಡು. ಈ ಪೊರ್ತುಡು ತುಳುನಾಡ್ದ ಪ್ರಾಕ್ ದ ಅಂಚೆನೆ ಮೂಲನಿವಾಸಿಲಾಯಿನ ಕೊರಗೆರೆನ ಬಾಸೆ ಬೊಕ್ಕ ಸಂಸ್ಕೃತಿದ ಬಗೆಟ್ ವಿಚಾರಘೋಷ್ಠಿ ನಡಪುಂಡು. ಈ ವಿಚಾರಘೋಷ್ಟಿಡ್ ಬಿನ್ನೆರಾದ್ ಸಾಹಿತಿ, ಜನಪದ ಚಿಂತಕೆರಾಯಿನ ಬಾಬು ಪಾಂಗಾಳ ಮೇರ್ ಪಾಲ್ ಪಡೆದ್ ಅರೆನ ಅನುಭವೊದ ಮದಿಪುನು ಕೊರಗ ಬಾಸೆಡೇ ನಮಕ್ ಪಟ್ಟರೆ ಉಲ್ಲೆರ್ ಪನ್ದ್ ಆಯೋಜಕೆರ್ ತೆರಿಪಾದೆರ್.
ನಮ್ಮ ನಾಡ್ ದ ಒಂಜಿ ಬಾರೀ ಪಿರಾಕ್ದ ಬಾಸೆ ಆಯಿನ ಕೊರಗ ಬಾಸೆದ ಪೊರ್ಲು ಊರೊರ್ಮೆ ತೆರಿದ್ ಬರೊಡು ಅಂಚೆನೆ ಆ ಬಾಸೆದ ಒರಿಪುಗು ನನದ ಜವನೆರ್ ದುಂಬು ಬರೊಡು ಪನ್ಪಿನ ಉಮೇದ್ ಡ್ ಈ ಪಾತೆರಕತೆ ನಡಪರೆ ಉಂಡು ಪನ್ದ್ ವಿಚಾರಘೋಷ್ಟಿ ನಡಪಾದ್ ಕೊರ್ಪಿನ ಮಹಿ ಮುಲ್ಕಿ ಮೇರ್ ಪನ್ಡೆರ್.
ತುಳುತ ಅಂಚೆನೆ ತುಳುನಾಡ್ದ ಬಗೆಟ್ ಪಾಕ ವಿಷಯೊಲೆನ್ ತೆರಿಯೊನರೆ ತುಳುನಾಡ್ ಕಾನ್ಕ್ಲೇವ್ ಒಂಜಿ ಮಲ್ಲ ವೇದಿಕೆ ಆಪುಂಡು. ಅಂಚಾದ್ ಮಾತಾ ತುಳುವೆರ್ ಬತ್ತ್ ಈ ಲೇಸ್ ಡ್ ಪಾಲ್ ದೆತೊನೊಡು ಪನ್ದ್ ಆಯೋಜಕೆರ್ ಕೇನೊಂಡೆರ್.
ತುಳುನಾಡ್ ಕಾನ್‌ಕ್ಲೇವ್‌ದ ಎಚ್ಚಿನ ಒಲವುಗು ಇನ್ಸ್ಟಾಗ್ರಾಮ್‌ಡ್ ಫೋಲೋ ಮನ್ಪುಲೆ: https://www.instagram.com/tulunadconclave