Last updated on February 14th, 2025 at 11:49 am
ಕುಡ್ಲ,ಫೆ.14: ಸಾದಿ ಬರಿಟ್ ಉಂತಾದಿತ್ತಿನ ಟ್ಯಾಂಕರ್ ತನ್ನಾತೆಗೆ ದುಂಬು ಪೋದು ರಾಷ್ಟ್ರೀಯ ಪೆರ್ಸಾದಿ ಕಡತ್ದ್ ಹೋಟೆಲ್ಗ್ ಪೊಗ್ಗುದ್ ಕಾರ್, ಬೈಕ್, ರಿಕ್ಷಾಲೆನ್ ಞಕ್ಕೆ ಮಲ್ದಿನ ನಡಕೆ ಕೋಡೆ, ಗುರುವಾರ ರಾತ್ರೆ ಹೊನ್ನಕಟ್ಟೆ ಜಂಕ್ಷನ್ಡ್ ನಡತ್ದ್ಂಡ್.
ಕುಳಾಯಿಗುಡ್ಡೆಗ್ ಪೋಪಿನ ಸಾದಿಡ್ ಟ್ಯಾಂಕರ್ ಉಂತಾದ್ ಅವೆತ ಡ್ರೈವರ್ ಹೊಟೇಲ್ಗ್ ಪೋದಿತ್ತೆರ್. ಈ ಪೊರ್ತುಡು ಲಾರಿ ಒರರ್ದ್ ಒರಾನೆ ಜಪ್ಪಂಗೆಲ್ ಸಾದಿಡೆ ರಾಷ್ಟೀಯ ಪೆರ್ಸಾದಿ 66ನ್ ಕಡತ್ದ್ ಹೊಟೇಲ್ಗ್ ಪೊಗ್ಗುದುಂಡು. ಅತ್ತಂದೆ, ಈ ಪೊರ್ತುಡು ಸಾದಿ ಬರಿಟ್ ಉಂತಾದಿತ್ತಿನ ಕಾರ್, ಆಟೊ ರಿಕ್ಷಾ ಬೊಕ್ಕ ಬೈಕ್ ಲೆಗ್ ಎಡ್ತ್ದ್ ಞಕ್ಕೆ ಮಲ್ತೊಂದು ಪೋತುಂಡು.
ನಡಕೆರ್ದ್ ರಡ್ಡ್ ಆಟೊ ರಿಕ್ಷಾಗಲು, ರಡ್ಡ್ ಕಾರ್ ಅಂಚೆನೇ ಒಂಜಿ ಬೈಕ್ ಪೊಡಿ ಆತ್ಂಡ್ ಪನ್ದ್ ತೆರಿದ್ ಬೈದ್ಂಡ್. ನಡಕೆದ ಜಾಗೆಗ್ ಕುಡ್ಲ ಬಡಕಾಯಿ ಸಂಚಾರ ವಿಭಾಗೊದ ಪೊಲೀಸೆರ್ ಬತ್ತ್ದ್ ಪರಿಶೀಲನೆ ಮಲ್ದೆರ್.