Last updated on March 4th, 2025 at 09:59 am
ಮಾರ್ಚ್ 04: ಫೆಬ್ರವರಿಡ್ ಬುಡುಗಡೆ ಆತಿನ ಒಂಜಿ ವರದಿ ಈ ವರ್ಸೊದ ಅರೆಗ್ಗಾಲೊಡು ರಣದೊಂಬು ಇಪ್ಪುಂಡು, ಅಂಚೆನೇ ತಾಪಮಾನೊಲಾ ಬಾರೀ ಎಚ್ಚ ಆಪುಂಡು ಪನ್ಪಿನ ದುಂಬೆಚ್ಚರ್ಗೆ ಕೊರ್ದಿತ್ತ್ಂಡ್. ಈ ನಡುಟು ದೊಂಬುದ ಪೆಟ್ಟ್‌ಗ್ ತುಳುನಾಡ್‌ದ ಜನ ಬಚ್ಚಿದ್ ಪೋದಿತ್ತ್‌ದ್, ದಿನೊರ್ದು ದಿನೊಕು ತಾಪಮಾನ ಎಚ್ಚನೇ ಆವೊಂದುಂಡು. ಒರ್ಮೆಲಾ ಬೆಪ್ಪು ಅಂಚೆನೇ ಆರ್ದ್ರ (Humid) ವಾತಾವರಣ ಅಂಚೆನೇ ಉಂಡು.
ಕರ್ನಾಟಕ ಸ್ಟೇಟ್ ನ್ಯಾಚುರಲ್ ಡಿಸಾಸ್ಟರ್ ಮಾನಿಟರಿಂಗ್ ಸೆಂಟರ್‌ದ ಪ್ರಕಾರ, ಫೆಬ್ರವರಿ 28 ದಾನಿ ಕಾಂಡೆ 8:30 ರ್ದ್ ಮಾರ್ಚ್ 1 ಮುಟ್ಟ ಸುಳ್ಯ ತಾಲ್ಲೂಕ್‌ಡ್ 40.1°C ತಾಪಮಾನ ದಾಕಲಾತ್ಂಡ್. ಫೆಬ್ರವರಿ 27 ತಾನಿ ಬೊಲ್ತೇರ್‌ ತಾಲ್ಲೂಕ್‌ದ ಕೊಕ್ಕಡಡ್ 40.4°C ತಾಪಮಾನ ದಾಕಲಾತ್ಂಡ್. ಉಂದು ತುಳುನಾಡ್‌ಡ್ ಇದಮುಟ್ಟದ ಎಚ್ಚಿನ ತಾಪಮಾನ ಆದುಂಡು.
ಪಾಣೇರ್‌ಡ್ (ಬಂಟ್ವಾಳ) 39.1°C, ಉಬಾರ್‌ಡ್ 39.5°C, ಕಡಬಡ್ 39°C ದಾಕಲಾತ್ಂಡ್.
ಕುಡ್ಲ ಜಿಲ್ಲೆದ ಐನ್ ಜಾಗೆಲೆಡ್ ತಾಪಮಾನ 39°C ರ್ದ್ ಮಿತ್ತ್ ಪೋತಿನೆನ್ ಡೇಟಾ ತೂಪಾವುಂಡು. ಒಡಿಪುದ ಕೆಲ ಜಾಗೆಲೆಡ್ಲಾ 37°C ಮುಟ್ಟ ಮುಟ್ಟ ತಾಪಮಾನ ಬೈದ್ಂಡ್.
1901 ರ್ದ್ ಬೊಕ್ಕ ಫೆಬ್ರವರಿ 2025 ಬಾರೀ ಬೆಪ್ಪುದ ತಿಂಗೊಲು ಪನ್ದ್ ಐಎಮ್‌ಡಿ ಪನ್ತ್ಂಡ್.