Last updated on March 10th, 2025 at 01:43 pm
ಕುಡ್ಲ, ಮಾ. 10: ಗೂಡ್ಸ್ ಟೆಂಪೋಡು ಅಕ್ರಮವಾದ್ ಪೆತ್ತದ ಮಾಸ ಕೊನೊವೊಂದಿತ್ತಿನಕ್ಲೆನ್ ಭಜರಂಗದಳೊದ ಕಾರ್ಯಕರ್ತೆರ್ ಪತ್ತ್‌ದ್ ಪೊಲೀಸೆರೆಗ್ ಒಪ್ಯಾಯಿನ ನಡಕೆ ಕುಡ್ಲದ ಕದ್ರಿ ದೇಲಂತಡೆದ ದ್ವಾರದಲ್ಪ ನಡತ್‌ದ್ಂಡ್.
ಗೂಡ್ಸ್ ಟೆಂಪೋಡು ಅಕ್ರಮವಾದ್ ಪೆತ್ತದ ಮಾಸ ಕೊನೊವೊಂದುಪ್ಪುನ ಒಲವು ತಿಕ್ಕಿನೆರ್ದಾವರ ಭಜರಂಗದಳೊದ ಕಾರ್ಯಕರ್ತೆರ್ ಕದ್ರಿ ದೇಲಂತಡೆದ ಕೈತಲ್ ಗಾಡಿನ್ ಉಂತಾದ್ ಪರಿಶೀಲನೆ ಮಲ್ದೆರ್. ಈ ಪೊರ್ತುಡು ಅವೆಟ್ ಪೆತ್ತದ ಮಾಸ ತಿಕ್ಕ್‌ದ್ಂಡ್. ಅಪಗನೇ ಬಜರಂಗದಳ ಕಾರ್ಯಕರ್ತೆರ್ ಪೊಲೀಸೆರೆಗ್ ಒಲವು ಕೊರ್ತೆರ್. ಜಾಗೆಗ್ ಬತ್ತಿನ ಕದ್ರಿ ಪೊಲೀಸೆರ್ ಪರಿಶೀಲನೆ ಮನ್ಪುನಗ ಗಾಡಿಡ್ ಸುಮಾರ್ 100 ಕೆ.ಜಿ‌ರ್ದ್ ಮಿತ್ತ್ ಪೆತ್ತದ ಮಾಸ ತಿಕ್ಕ್‌ದಿತ್ತ್‌ದ್, ಮಾಸೊನ್ಲಾ ಗಾಡಿನ್ಲಾ ಪೊಲೀಸೆರ್ ಜಪ್ತಿ ಮಲ್ತ್‌ದೆರ್. ನಡಕೆದ ಬಗೆಟ್ ಕದ್ರಿ ಪೊಲೀಸ್ ಸ್ಟೇಶನ್‌ಡ್ ಪ್ರಕರಣ ದಾಕಲಾದಿತ್ತ್‌ದ್ ಪೊಲೀಸೆರ್ ಜಡ್ತೆ ಮಲ್ತೊಂದುಲ್ಲೆರ್.