Last updated on March 10th, 2025 at 04:27 pm
ಪುತ್ತೂರು: ಇನ್‌ಸ್ಟಾಗ್ರಾಂಡ್ ಬತ್ತಿನ ಅಡ್ವರ್ಟೈಸ್‌ಮೆಂಟ್‌ಗ್
ಟ್ರೇಡಿಂಗ್ ಇನ್‌ವೆಸ್ಟ್‌ಮೆಂಟ್ ಮಲ್ತಿನ ಬನ್ನೂರ್‌ದ ಜವನ್ದಿ 4.90 ಲಕ್ಷ ರೂ. ಕಲೆವೊಂದಿನ ಬಗೆಟ್ ಸೆನ್ ಅಪರಾಧ ಪೊಲೀಸ್ ಸ್ಟೇಶನ್‌ಡ್ ಪ್ರಕರಣ ದಾಕಲಾತ್ಂಡ್.
ಜವನ್ದಿ ಬೆಂಗಳೂರ್‌ದ ಪ್ರೈವೇಟ್ ಕಂಪೆನಿ ಒಂಜೆಟ್ ಬೇಲೆ ಮಲ್ತೊಂದುಲ್ಲೆರ್. ಮಾ. 1ತಾನಿ ಇನ್‌ಸ್ಟಾಗ್ರಾಂ ಅಕೌಂಟ್‌ರ್ದ್ ಇನ್ವೆಸ್ಟ್ ಟಾಸ್ಕ್ ಮನ್ಪೆರ ಯುಪಿಐ ಐಡಿಗ್ 10 ಸಾರ ರೂ. ಕಡಪುಡ್ರ ಪನ್ದಿತ್ತ್‌ದ್, ಅಂಚಾದ್ ಆರ್ ಕಾಸ್‌ನ್ ಫೋನ್ ಪೇ ಮಲ್ತ್‌ದೆರ್. ಇನ್ವೆಸ್ಟ್ ಟ್ರೇಡ್ ಬಗೆಟ್ ಎಚ್ಚಿನ ಒಲವು ಗೆತೊನ್ರ ಕೊರ್ದಿತ್ತಿನ ಮೊಬೈಲ್ ನಂಬರ್‌ದ ವಾಟ್ಸಪ್ ಮುಕೇನ ಮೆಸೇಜ್ ಮಲ್ತಿತ್ತ್‌ದ್, ಈ ಪೊರ್ತುಡು ಜವನ್ದಿಗ್ 10 ಸಾರ ರೂ. ಪಾಡ್ಂಡ 2 ಲಕ್ಷ ರೂ. ತಿಕ್ಕುಂಡು ಪನ್ಪಿನ ಮೆಸೇಜ್ ಬತ್ತಿತ್ತ್ಂಡ್.
ಅವಾಯಿ ಬೊಕ್ಕ ಜವನ್ದಿ ಹಂತ ಒಂತೆ ಒಂತೆನೇ ಕಾಸ್ ಕಡಪುಡ್ದಿತ್ತ್‌ದ್, ಒಟ್ಟುಗು 4,90,997 ರೂ. ಕಟ್ಟ್‌ದೆರ್. ಆಂಡ ಪೊಣ್ಣನ ಅಕೌಂಟ್‌ಗ್ ಕಾಸ್ ಬರಂದೆ ದಗೆ ಆತಿನ ತೆರಿದ್ ಕುಡ್ಲ ಸೆನ್ ಅಪರಾಧ ಪೊಲೀಸ್ ಸ್ಟೇಶನ್‌ಡ್ ಒಯಿಲ್ ಬರೆಪಾದೆರ್.