Last updated on March 11th, 2025 at 10:13 am
ಕಡಬ, ಮಾ.11: ಕೆಎಸ್ಆರ್ಟಿಸಿ ಬಸ್ ಬೊಕ್ಕ ಸ್ಕೂಟರ್ ಎಡ್ತೊಂದು ಸ್ಕೂಟರ್ ಬುಡೊಂದಿತ್ತಿನ ಜವನೆ ತೀರ್ದಿನ ನಡಕೆ ಸುಬ್ರಹ್ಮಣ್ಯ-ಉಬಾರ್ ರಾಜ್ಯ ಪೆರ್ಸಾದಿದ ಕೈಕಂಬ ದಲ್ಪ ಸೋಮಾರ ನಡತ್ದ್ಂಡ್.
ಬಿಳಿನೆಲೆ ಗ್ರಾಮೊದ ತುಂಬೆಚೇರು ನಿವಾಸಿ ದಿ.ವಿಶ್ವನಾಥ ಪನ್ಪಿನಾರೆನ ಮಗೆ ವಿನ್ಯಾಸ್ (23) ತೀರ್ದಿನಾರ್.
ಕಡಬ ದಂಚಿ ಪೋವೊಂದಿತ್ತಿನ ಬಸ್ ಬೊಕ್ಕ ಕೈಕಂಬ ದಂಚಿ ಪೋವೊಂದಿತ್ತಿನ ಸ್ಕೂಟರ್ ಬಿಳಿನೆಲೆ ಗ್ರಾಮೊದ ಕೈಕಂಬದಲ್ಪ ಎಡ್ತೊಂದ. ನಡಕೆಡ್ ಗಾತಿದ ಗಡಿಕುಲಾತಿನ ವಿನ್ಯಾಸ್ನ್ ಆಸ್ಪತ್ರೆಗ್ ಲೆತೊಂದು ಪೋಪಿನ ಸಾದಿ ನಡುಟೇ ತೀರ್ದೆ ಪನ್ದ್ ತೆರಿದ್ ಬೈದ್ಂಡ್.
ಮೃತದೇಹೊನು ಕಡಬ ಆಸ್ಪತ್ರೆಡ್ ದೀದಿತ್ತ್ದ್, ಕಡಬ ಪೊಲೀಸೆರ್ ಜಾಗೆಗ್ ಬತ್ತ್ದ್ ಪರಿಶೀಲನೆ ಮಲ್ತ್ದ್ ಪ್ರಕರಣ ದಾಕಲ್ತೊಂದೆರ್.