Last updated on March 19th, 2025 at 02:56 pm
ಬೆಂಗಳೂರು: ಇತ್ತೆ ಬೆಂಗಳೂರುದ ವೀಧಾನಸೌಧೊಡು ನಡತೊಂದುಪ್ಪುನ ವಿಧಾನಸಭೆ ಅಧಿವೇಶನೊಡು ಜೆಡಿಎಸ್ ಶಾಸಕೆ ಎಮ್. ಟಿ. ಕೃಷ್ಣಪ್ಪೆರ್ ರಾಜ್ಯೊಡು ಪರ್ಪಿನಕ್ಲೆಗ್ ವಾರೊಗು ರಡ್ಡ್ ಬಾಟ್ಲಿ ಫ್ರೀ ಕೊರ್ಲೆ ಪನ್ದ್ ಪನ್ಡ್‌ದ್ ಸುದ್ದಿ ಆತೆರ್.
ಒಂಜಿ ವರ್ಸೊಡು ಗಂಗಸರೊಗು ಮೂಜಿ ಸರ್ತಿ ಟ್ಯಾಕ್ಸ್ ಪಾಡ್ಯೆರ್. ಉಂದು ಪಾಪದಕ್ಲೆನ ತರೆ ಆಕುನ ಬೇಲೆ. ಕೂಲಿ ಬೇಲೆ ಪೋಪಿನಕ್ಲೆನ್ ಪರ್ಪಾವುನ ಉಂತಾಯೆರ ಆಪುಜಿ. ಪರ್ಪುನಾಯೆ ಪರ್ದೇ ಪರ್ಪೆ. ಅಕ್ಲೆಗ್ ಕಾಂಡೆ ಆನಗ ಬೇಲೆ, ಬಯ್ಯನಗ ಉಂದು ಪನ್ದ್ ಪನ್ಡೆರ್.
ಕುಡ್ ಪಾತೆರೊಂದು, ಇತ್ತೆ ಸರಕಾರೊದ ಅಬಕಾರಿ ಸುಂಕೊದ ಲೆಕ್ಕ ತೂನಗ ಕುಡೊರ ಟ್ಯಾಕ್ಸ್ ಪಾಡೊಡಾಪುಂಡು ತೋಜುಂಡು. ನಿಕುಲು ಪೊಂಜೊವುಲೆಗ್ ರಡ್ಡ್ ಸಾರ ಕಾಸ್ ಕೊರ್ಪರ್, ಕರೆಂಟ್ ಫ್ರೀ ಕೊರ್ಪರ್ ಅವು ಎಂಕ್ಲೆನ(ಪರ್ಪಿನಕ್ಲೆನ) ಕಾಸ್‌ರ್ದೇ ಕೊರ್ಪಿನತ? ಅಂಚಾದ್ ಏರ್ ಪರ್ಪೆರಾ ಅಕ್ಲೆಗ್ ವಾರೊಡು ರಡ್ಡ್ ಬಾಟ್ಲಿ ಫ್ರೀ ಕೊರ್ಲೆ, ಅಕುಲ್ಲಾ ಪರಡ್. ಕರೆಂಟ್ ಫ್ರೀ, ಬಸ್ ಫ್ರೀ ಕೊರ್ನಗ ಉಂದೆನ್ ಫ್ರೀ ಕೊರ್ಪುನೆಟ್ ದಾದ ತಪ್ಪು ಪನ್ದ್ ಪನ್ಡೆರ್.
ಆತನಗ ಕಾಂಗ್ರೆಸ್ ಶಾಸಕೆರ್, ನಿಕುಲು ಓಟುಗು ಉಂತುದು ಗೆಂದ್‌ದ್ ಅವೆನ್ ಮಲ್ತೊನ್ಲೆ ಪನ್ದ್ ಪನ್ಡೆರ್.
ಸ್ಪೀಕರ್ ಖಾದರ್ ರಡ್ಡ್ ಬಾಟ್ಲಿ ಕೊರ್ರ ದುಂಬೇ ಬಂಙೊಡುಲ್ಲ, ಕೊರ್ನ್ಡ ಪರಿಸ್ಥಿತಿ ಎಂಚ ಆವು ಪನ್ದ್ ಕೇನ್ಡೆರ್.