Last updated on March 22nd, 2025 at 10:10 am
ವಿಟ್ಲ, ಮಾ.22: ಆಂಜೊವು ಒರಿಯನ ಪುನ ವಿಟ್ಲದ ಪ್ರೈವೇಟ್ ಬಸ್ ಉಂತಡೆದ ಕೈತಲ್ ಪೇಂಟೆ ಪಂಚಾಯತ್ ಪಿರವುದ ಜಾಗೆಡ್ ಇಪ್ಪುನ ಪೊಟ್ಟು ಗೂವೆಲ್‌ಡ್ ಕುರಿನ ಸ್ಥಿತಿಟ್ ತಿಕ್ಕ್‌ದಿನ ನಡಕೆ ಮಾ.21 ತಾನಿ ನಡತ್‌ದ್ಂಡ್.
ಗೂವೆರ್ಲ್‌ರ್ದ್ ನಾತ ಬರೊಂದಿತ್ತಿನೆರ್ದಾವರ ಮುಟ್ಟದಾರ್ ಒರಿ ವಿಟ್ಲ ಪೊಲೀಸೆರೆಗ್ ಒಲವು ಕೊರ್ತೆರ್. ಜಾಗೆಗ್ ಬತ್ತಿನ ವಿಟ್ಲ ಇನ್ಸ್‌ಪೆಕ್ಟರ್ ಹೆಚ್.ಇ.ನಾಗರಾಜ್ ಮೆರೆನ ಮುತಾಲಿಕೆದ ಪೊಲೀಸೆರೆ ಕೂಟ ಒಲವು ಒಟ್ಟು ಮಲ್ದೆರ್.
ಪುನೊನು ಮುರಳೀಧರ ಮೆರೆನ ಕೂಟ ಮಿತ್ತ್ ಕನತ್‌ದೆರ್. ಪುನ ಅಲಕ್ಕ ಕುರಿದ್ ಪೋದಿತ್ತ್‌ದ್, ಗುರ್ತ ಪತ್ತೆರೆ ಆವೊಂದಿಜ್ಜಿ. ಗುರ್ತ ತಿಕ್ಕಂದಿನೆರ್ದಾವರ ಪುನೊತ ಅವಶೇಷೊಲೆನ್ ವಿಧಿವಿಜ್ಞಾನ ಪರೀಕ್ಷೆಗ್ ದೇರಳಕಟ್ಟೆದ ಆಸ್ಪತ್ರೆಗ್ ಕಡಪುಡ್ದೆರ್.