Last updated on April 5th, 2025 at 04:57 pm
ಅಜೆಕಾರ್: ಶಿರ್ಲಾಲ್‌ದ ಪಂಗ್ಲಬೊಟ್ಟು ಶ್ರೀ ಬೆರ್ಮೆರ್ ಮೊಗೇರ್ಲೆನ ಕ್ಷೇತ್ರೊದ ತನ್ನಿಮಾನಿಗ ನೇಮೊಡು 6ನೇ ಕ್ಲಾಸ್‌ದ ಆಣ್ ಒರಿ ದೈವೊದ ಕೋಲಖ್ ಅರ್ದಲ ಪೂಜಿದ್ ಬತ್ತಿನಕ್ಲೆನ ಗುಮನ ಒಯ್ತ್‌ದೆ.
ಶಿರ್ಲಾಲ್ ಸೂಡಿ ಶಾಲೆಡ್ 6 ನೇ ಕ್ಲಾಸ್ ಓದ್ಂದುಪ್ಪುನ ಸಮರ್ಥ್ ಪುಗರ್ತೆದ ದೈವ ನರ್ತಕೆ ಕರಿದ್ ಪೋತಿನ ಮೋನು ಪಾಣಾರ ಶಿರ್ಲಾಲ್ ಮೆರೆನ ಪುಲ್ಲಿ. ಅಜ್ಜೆ ಕಟ್ಟೊಂದಿತ್ತಿನ ಕೋಲೊನು ತೂವೊಂದು ಮಲ್ಲೆ ಆತಿನಾಯೆ.
ಒಟ್ಟುಗು ಅಮ್ಮೆ ಹರೀಶ ಮೆರೆನ ಮಾರ್ಗದರ್ಶನೊಡು ಇತ್ತೆ ತನ್ನಿಮಾನಿಗ ದೈವೊದ ಕೋಲ ಕಟ್ಟ್‌ಜೆ. ಸಮರ್ಥ್ ಸಿದ್ಯಮ್ಮೆ ರಮೇಶ್ ಶಿರ್ಲಾಲ್ ಮೇರ್ ಪುತ್ತೂರು ತಾಲೂಕ್ ನೆಟ್ಟಣಿಗೆ ಮುನ್ನೂರು ಸರಕಾರಿ ಶಾಲೆದ ಶಿಕ್ಷಕೆ ಆದಿತ್ತ್‌ದ್, ಆರ್ಲಾ ಪ್ರೋತ್ಸಾಹ ಕೊರ್ತೆರ್. ದುಂಬುದಕುಲು ನಂಬೊಂದು ಬೈದಿನ ಕಲೆನ್ ಆಣಾ ಎಲ್ಯ ಪ್ರಾಯೊಡೇ ಕಲ್ತೊಂದು ನೇಮ ಕಟ್ಟ್‌ದೆ.