Last updated on April 18th, 2025 at 12:50 pm
ಉತ್ತರಾಖಂಡ್, ಎ. 18: ರೀಲ್ಸ್ ಮರ್ಲ್‌ಗ್ ಪೊಂಜೊವು ಒರ್ತಿ ಗಂಗೆಡ್ ಬೊಲ್ಲಗ್ ಪೋತಿನ ನಡಕೆ ಉತ್ತರಾಖಂಡೊಡು ನಡತ್‌ದ್ಂಡ್. ಏಪ್ರಿಲ್ 16 ತಾನಿ ಉತ್ತರಾಖಂಡೊದ ಉತ್ತರಕಾಶಿ ಕೈತಲ್ದ ಗಂಗಾ ಸುದೆತ ಮಣಿಕರ್ಣಿಕಾ ಘಾಟ್‌ಡ್ ಈ ನಡಕೆ ನಡತ್‌ದ್ಂಡ್.
ಗಂಗಾಸುದೆತ ಒತ್ತುಸುದೆ ಭಾಗಿರಥಿ ಸುದೆತ ಕರೆಟ್ ಉತ್ತರಕಾಶಿಡ್ ನೇಪಾಳ ಮೂಲೊದ ಪೊಂಜೊವು ತನ್ನ ಮಗಲ್ನ ಕೈಟ್ ಮೊಬೈಲ್ ಕೊರ್ದು ರೀಲ್ಸ್ ಮಲ್ಪೆರ ಪನ್ಡ್‌ದ್ ಸುದೆಕ್ ಜತ್ತ್‌ದಲ್. ಈ ಪೊರ್ತುಡು ಆಯತತ್ತ್‌ದ್ ಸೀದಾ ಸುದೆಕ್ ಬೂರ್ದಿನ ಪೊಂಜೊವು, ಬರಸ್‌ಡ್ ಪೋವೊಂದಿತ್ತಿನ ಬೊಲ್ಲಡ್ ಪೋತೆರ್. ಈ ಪೊರ್ತುಡು ಮಗಲ್ ಅಪ್ಪೆನ್ ಲೆಪ್ಪುನ ವಿಡಿಯೋಡ್ ಕೈದಾತ್ಂಡ್. ತೀರ್ದಿನ ಪೊಂಜೊವುನ ನನಲ ಗುರ್ತ ತಿಕ್ಕ್‌ದಿಜಿ. ಪೊಂಜೊವುನು ನಾಡೆರೆ ವಿಪತ್ತು ನಿರ್ವಹಣಾ ಕೂಟೊದಕುಲು ಕಾರ್ಯಾಚರಣೆ ಸುರು ಮಲ್ದೆರ್.