Last updated on April 19th, 2025 at 01:17 pm
ಏಪ್ರಿಲ್ 19: ಏಪೊಲಾ ಗನ್ ಮ್ಯಾನ್ ದೀವೊಂದೇ ತಿರ್ಗುನ ಮುತ್ತಪ್ಪ ರೈಕ್ಲೆನ ಮಗೆ ರಿಕ್ಕಿ ರೈ ನ ಮಿತ್ತ್ ಕೋಡೆ ನಡೀರ್ ರಾಮನಗರ ತಾಲೂಕ್‌ದ ಬಿಡದಿದ ಆರೆನ ಇಲ್ಲದ ಕೈತಲೇ ಫೈರಿಂಗ್ ಮಲ್ದಿನ ನಡಕೆ ನಡತ್‌ದ್ಂಡ್. ನೂಲುದಾತ್ ಅಂತರೊಡು ರಿಯಲ್ ಎಸ್ಟೇಟ್ ಬ್ಯುಸಿನೆಸ್ ಮ್ಯಾನ್ ರಿಕ್ಕಿ ರೈ ಬಚಾವ್ ಆತೆರ್.
ಬೆಂಗಳೂರ್‌ದ ಮಣಿಪಾಲ ಆಸ್ಪತ್ರೆಡ್ ರಿಕ್ಕಿಗ್ ಮರ್ದ್ ನಡತೊಂದುಂಡು. ಈ ನಡುಟು ನಡಕೆಗ್ ಸಂಬಂಧಿತ್‌ದ್ ನಾಲ್ವೆರೆ ಮಿತ್ತ್ ರಾಮನಗರ ತಾಲೂಕ್‌ದ ಬಿಡದಿ ಸ್ಟೇಶನ್‌ಡ್ ಎಫ್‌ಐಆರ್ ದಾಕಲಾತ್ಂಡ್.
ನಡಕೆದ ಪೊರ್ತುಡು ಬಸವರಾಜ್ ಪನ್ಪಿನಾರ್ ಕಾರ್ ಬುಡೊಂದಿತ್ತೆರ್. ಅಂಚಾದ್ ಫೈರಿಂಗ್ ಆವೊಂದಿತ್ತಿಲೆಕನೆ ಆರ್ ಎದುರು ಬಗ್ಗ್‌ದೆರ್. ಅಂಚಾದ್ ಪ್ರಾಣಾಪಾಯೊರ್ದ್ ದೂರಾತೆರ್. ಇತ್ತೆ ಬಸವರಾಜ್‌ನ ಪಾತೆರ ಆಧರಿತ್‌ದ್ A1 ರಾಕೇಶ್ ಮಲ್ಲಿ, A2 ಅನುರಾಧಾ, A3 ನಿತೇಶ್ ಶೆಟ್ಟಿ ಬೊಕ್ಕ A4 ವೈದ್ಯನಾಥನ್ ಮಿತ್ತ್ ಬಿಎನ್ ಎಸ್ 109,3(5) ಅಂಚೆನೇ ಆರ್ಮ್ಸ್ ಆ್ಯಕ್ಟ್‌ದ ಅಡಿಟ್ ಕೇಸ್ ದಾಕಲಾತ್ಂಡ್. ರಿಯಲ್ ಎಸ್ಟೇಟ್ ವಿಚಾರವಾದ್ ದುಂಬುಲಾ ವಿವಾದ ಆದಿತ್ತ್ಂಡ್. ಅಂಚಾದ್ ಅವ್ವೇ ನೆವನೊಡು ರಿಕ್ಕಿ ರೈ ಮಿತ್ತ್ ಫೈರಿಂಗ್ ಆದುಪ್ಪುನ ಡೌಟ್ ಪೋಲೀಸೆರೆಗ್ ಉಂಡು.