Last updated on April 21st, 2025 at 02:02 pm
ಎಪ್ರಿಲ್ 21: ಕ್ರೈಸ್ತೆರೆ ಪರಮೋಚ್ಛ ಗುರು ಪೋಪ್ ಫ್ರಾನ್ಸಿಸ್ ಮೇರ್ ಸೋಮಾರ ಕಾಂಡೆ ತೀರ್ಯೆರ್ ಪನ್ಡ್‌ದ್ ವ್ಯಾಟಿಕನ್ ಕ್ಯಾಮೆರ್ಲೆಂಗೊ ಕಾರ್ಡಿನಲ್ ಕೆವಿನ್ ಫೆರೆಲ್ ಘೋಷಣೆ ಮಲ್ತ್‌ದೆರ್.
“ಕಾಂಡೆ 7:35 ಕ್ಕ್ ರೋಮ್‌ದ ಬಿಷಪ್ ಫ್ರಾನ್ಸಿಸ್ ಮೇರ್ ತನ್ನ ಪುಡಮಿನ್ ಬುಡ್ದು ತನ್ನ ಭಗವಂತನ ಇಲ್ಲಗ್ ಪೋತೆರ್. ಆರೆನ ಇಡೀ ಜೂವನ ಭಗವಂತನ ಬೊಕ್ಕ ಚರ್ಚ್‌ದ ಚಾಕಿರಿಗ್ ಸಮರ್ಪಿತ ಆದಿತ್ತ್ಂಡ್” ಪನ್ದ್ ಫಾರೆಲ್ ಪ್ರಕಟಣೆಡ್ ತೆರಿಪಾದೆರ್.
ಪೋಪ್ ಫ್ರಾನ್ಸಿಸ್ ಕೆಲ ವರ್ಸೊರ್ದಿಂಚಿ ಉಸಾರ್ ತತ್ತ್‌ದ್ ಇತ್ತೆರ್. ಪಾಕ ತಿಂಗೊಲುರ್ದಿಂಚಿ ಆಸ್ಪತ್ರೆಡ್ ಮರ್ದ್ ನಡತೊಂದಿತ್ತ್‌ದ್ ಮಾರ್ಚ್‌ಡ್ ಇಲ್ಲಗ್ ಪಿರ ಬತ್ತಿತ್ತೆರ್. ಇಂಚಿಪೊಗು ಗುಡ್‌ಪ್ರೈಡೆ ದಿನ ಭಕ್ತೆರೆನ್ ಉದ್ದೇಶಿತ್‌ದ್ ಪಾತೆರ್ದಿತ್ತೆರ್.