Last updated on April 21st, 2025 at 02:36 pm
ಕುಡ್ಲ, ಏ.21: ಕೆಂಜಾರ್ ಮುಟ್ಟಡ್ ನಡತಿನ ಭೀಕರ ಎಡ್ತೆಡ್ ಪೆರ್ಮುದೆದ 27 ವರ್ಸ ಪ್ರಾಯೊದ ಜೋಶ್ವಾ ಪಿಂಟೋ ತೀರ್ದೆರ್.
ವರದಿಲೆನ ಪ್ರಕಾರ, ಜೋಶ್ವಾ ಮೇರ್ ಈಸ್ಟರ್ ಸೊತ್ತುಲೆನ್ ಗೆತೊಂದು ಕುಡ್ಲರ್ದ್ ಪಾಸಾಡಿಲೆನ ಒಟ್ಟುಗು ಪಿರಬರೊಂದುಪ್ಪನಗ ಸಾದಿಡಿತ್ತಿನ ಗುಂಡಿಗ್ ಕಾರ್ ಬೂರ್ದ್ಂಡ್. ಆತನಗ ಕಾರ್ ಅಂಕೆ ತತ್ತ್‌ದ್ ತಿರ್ಗೆಲ್‌ಡ್ ಕಬ್ಬೆ ಬೂರ್ದ್ ಈ ನಡಕೆ ನಡತ್‌ದ್ಂಡ್.
ಐಸಿವೈಎಂ ಬಜ್ಪೆ ಘಟಕೊದ ಸಕ್ರಿಯ ಸದಸ್ಯೆರಾದಿತ್ತಿನ ಜೋಶ್ವಾ ಮೇರ್ ತನ್ನ ನಿಸ್ವಾರ್ಥ ಸೇವೆರ್ದಾವರ ಪುದರಾದಿತ್ತಿನಾರ್. ಆರೆನ ನಾಯಕತ್ವ ಗುಣೊಕುಲು ಬೊಕ್ಕ ಮಾತೆರೆಡ ಎಡ್ಡೆ ಬಾಂಧವ್ಯೊಗಾದ್ ಆರ್ ಧರ್ಮಗುರುಕ್ಲೆಡ ಮಾನಾದಿಗೆ ಗೆತೊಂದಿತ್ತೆರ್.
ಅಂತ್ಯಕ್ರಿಯೆತ ಕಟ್ಟ್ ಕಟ್ಲೆಲು ಅಂಗಾರೆ (ಎಲ್ಲೆ) ಬಯ್ಯಡ್ 4 ಗಂಟೆಗ್ ಬಜ್ಪೆದ ಸಂತ ಜೋಸೆಫರ ಇಗರ್ಜಿಡ್ ನಡಪರೆಗುಂಡು.