Last updated on April 23rd, 2025 at 11:48 am
ಒಡಿಪು, ಏ.23: ಅಕ್ರಮವಾದ್ ಕೆಂಪು ಕಲ್ಲ್ ಕಡ್ತಿನೆಕ್ ಸಂಬಂಧಿತ್‌ದ್, ಒಡಿಪು ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಡಾ. ಕೆ. ಅರುಣ್ ಮೇರ್ ಬೈಂದೂರು, ಗಂಗೊಳ್ಳಿ ಬೊಕ್ಕ ಕೊಲ್ಲೂರು ಪೊಲೀಸ್ ಸ್ಟೇಶನ್‌ಲೆನ ಒಟ್ಟು 9 ಪೊಲೀಸ್ ಸಿಬ್ಬಂದಿಲೆನ್ ಕರ್ತವ್ಯ ಲೋಪದ ಆರೋಪದ ಮಿತ್ತ್ ಸಸ್ಪೆಂಡ್ ಮಲ್ತ್‌ದೆರ್.
ಈ ಮೂಜಿ ಪೊಲೀಸ್ ಸ್ಟೇಶನ್‌ಲೆನ ಸೀಮೆಡ್ ಅಕ್ರಮವಾದ್ ನಡತೊಂದುಪ್ಪುನ ಕಲ್ಲ್‌ದ ಪಣೆಕುಲೆನ ಬಗೆಟ್ ಪತ್ತ ಒಲವು ಒಟ್ಟು ಮಲ್ಪೆರಾವಂದಿನೆಕ್ ಅಂಚೆನೇ ತನ್ಕುಲೆ ಬೇಲೆಡ್ ನಾಮಾಸ್ ಮಲ್ತಿನ ನೆವನೊಗು ಈ ಅಧಿಕಾರಿಲೆನ್ ಸಸ್ಪೆಂಡ್ ಮಲ್ತ್‌ದೆರ್. ಇದಮುಟ್ಟ ನಡತಿನ ಜಡ್ತೆಡ್ ಅಕುಲು ಸೀದಾ ಪಾಲ್‌ಪಡೆತಿನ ಬಗೆಟ್ ಒವ್ವೆ ಪುರಾಪು ತಿಕ್ಕ್‌ದಿಜಿ ಪನ್ದ್ ಎಸ್‌ಪಿ ಡಾ. ಕೆ. ಅರುಣ್ ತೆರಿಪಾದೆರ್.
ಅವ್ವೇ ರೀತಿ, ಈ ಪ್ರಕರಣೊಗು ಸಂಬಂಧಿತ್‌ದ್ ಬೈಂದೂರು, ಗಂಗೊಳ್ಳಿ ಬೊಕ್ಕ ಕೊಲ್ಲೂರು ಪೊಲೀಸ್ ಸ್ಟೇಶನ್‌ಲೆನ ಉಪ-ನಿರೀಕ್ಷಕೆರೆ ಮಿತ್ತ್ ಇಲಾಖೆದ ವಿಚಾರಣೆಗ್ ಆದೇಶ ಮಲ್ತ್‌ದೆರ್. ವಿಚಾರಣೆಡ್ ತೆರಿದ್ ಬತ್ತಿನ ಅಂಶೊಲೆನ ಆಧಾರೊಡು ಅಕ್ಲೆನ ಮಿತ್ತ್ ನನದ ಕ್ರಮ ಗೆತೊನುವ ಪನ್ದ್ ಡಾ. ಅರುಣ್ ತೆರಿಪಾದೆರ್.