Last updated on April 23rd, 2025 at 12:33 pm
ಏ.23: ಜಮ್ಮು ಬೊಕ್ಕ ಕಾಶ್ಮೀರದ ಪಹಲ್ಗಾಮ್ಡ್ ನಡತಿನ ಭೀಕರ ದಾಳಿಡ್ ಕಮ್ಮಿಡ್ 28 ಪ್ರವಾಸಿಗೆರ್ ತೀರ್ದಿತ್ತ್ದ್, ದಾಳಿ ಮಲ್ದಿನ ಮೂವೆರ್ ಭಯೋತ್ಪಾದಕೆರೆ ರೇಖಾಚಿತ್ರೊಲೆನ್ ಭದ್ರತಾ ಸಂಸ್ಥೆಲು ಬುಡುಗಡೆ ಮಲ್ತ್ದ. ಭದ್ರತಾ ಸಂಸ್ಥೆಲು ಭಯೋತ್ಪಾದಕೆರೆನ್ ನಾಡ್ಪತ್ಯೆರ ಅಂಚೆನೇ ಈ ದಾಳಿದ ಪಿರವುದ ಕ್ರೂರ ಯೋಜನೆನ್ ತೆರಿಯೊನರ ಮಾತಾ ಪುನೆಪು ಬರೊಂದುಲ್ಲ.
ಭಯೋತ್ಪಾದಕ ದಾಳಿದ ಒಂತೆ ಗಂಟೆದುಲಯೇ, ಶಂಕಿತ ಭಯೋತ್ಪಾದಕನ ಸುರುತ ಫೋಟೋ ತಿಕ್ಕ್ದ್ಂಡ್ ಪನ್ದ್ ವರದಿ ಆತ್ಂಡ್. ವೀಡಿಯೊ ಒಂಜೆಟ್ ಕಲೆತಿನ ಸ್ಕ್ರೀನ್ಶಾಟ್ಡ್, ಭಯೋತ್ಪಾದಕೆ ಪನ್ದ್ ಎನ್ನ್ದಿನ ಆಂಜೊವು ಒರಿ ಕುರ್ತಾಡ್ AK ಸೀರೀಸ್ದ ಅಸಾಲ್ಟ್ ರೈಫಲ್ ಪತೊಂದಿನ ತೋಜುಂಡು. ಭದ್ರತಾ ಸಂಸ್ಥೆಲು ಪಹಲ್ಗಾಮ್ ಭಯೋತ್ಪಾದಕ ದಾಳಿ ಮಲ್ದಿನ ಭಯೋತ್ಪಾದಕೆರೆಡ್ ಉಂಬ್ಯೆಲಾ ಒರಿ ಪನ್ದ್ ಪನ್ತ. ಶಸ್ತ್ರಾಸ್ತ್ರೊಲೆನ್ ಪತೊಂದು ಪಠಾಣ್ ಸೂಟ್ ಪಾಡೊಂದಿನ ಆಂಜೊವು ವಿಡಿಯೋಡ್ ಕೈದಾತೆ. ಈ ಫೋಟೋನ್ ಕೋಡೆ ರಾತ್ರೆ ಜಮ್ಮು ಬೊಕ್ಕ ಕಾಶ್ಮೀರ ಪೊಲೀಸ್, ಸಿಆರ್ಪಿಎಫ್ ಬೊಕ್ಕ ಸೇನೆದೊಟ್ಟುಗು ಪಟ್ಟೊಂದೆರ್ ಪನ್ದ್ ತೆರಿದ್ ಬೈದ್ಂಡ್.