Last updated on April 24th, 2025 at 02:23 pm
ಕುಡ್ಲ, ಏ. 24: ಕರ್ನಾಟಕ ರಾಜ್ಯ ಸಾರಿಗೆ ಬಸ್ಡ್ ಪೋವೊಂದಿತ್ತಿನ ಜವನ್ದಿ ಒರ್ತಿಗ್ ಕಂಡಕ್ಟರ್ ಲೈಂಗಿಕ ಕಿರುಕುಳ ಕೊರ್ತಿನ ನಡಕೆ ನಡತಿತ್ತ್ದ್, ಇಂದೆತ ವಿಡಿಯೋ ಒಂಜಿ ಸಾಮಾಜಿಕ ಬಲೆತ್ತಾನೊಡು ವೈರಲ್ ಆದಿತ್ತ್ದ್, ಆರೋಪಿ ಕಂಡಕ್ಟರ್ನ್ ಪೊಲೀಸೆರ್ ಅರೆಸ್ಟ್ ಮಲ್ತ್ದೆರ್.
ಮುಡಿಪು -ಸ್ಟೇಟ್ ಬ್ಯಾಂಕ್ ಭಾಗ್ದ ಕೆಎಸ್ಆರ್ಟಿಸಿ ಬಸ್ಸ್ಡ್ ಕಂಡಕ್ಟರ್ ಜವನ್ದಿಗ್ ಲೈಂಗಿಕ ಕಿರುಕುಳ ಕೊರ್ತಿನ ಪ್ರಕರಣ ವರದಿ ಆದಿತ್ತ್ದ್, ಪ್ರಯಾಣಿಕೆ ಒರಿ ಮಲ್ದಿನ ವಿಡಿಯೋ ವೈರಲ್ ಆತ್ಂಡ್. ಇಂದೆತ ಬೆರಿಟೇ ಲಕ್ಕೊಂಡಿನ ಪೊಲೀಸೆರ್, ಆರೋಪಿ ಬಾಗಲಕೋಟೆ ಮೂಲೊದ ಪ್ರದೀಪ್ (35) ನ್ ವಶೊಕು ಗೆತೊಂದೆರ್.
ಏಪ್ರಿಲ್ 22 ತಾನಿ ಮುಡಿಪುರ್ದ್ ಸ್ಟೇಟ್ ಬ್ಯಾಂಕ್ ದಂಚಿ ಪೋವೊಂದಿತ್ತಿನ ಬಸ್ಸ್ಡ್ ಜವನ್ದಿಗ್ ಕಣ್ಣಡ್ಡ ಪೋದಿತ್ತ್ಂಡ್. ಆ ಪೊರ್ತುಡು ಕಂಡಕ್ಟರ್ ಆ ಜವನ್ದಿಗ್ ಕಿರುಕುಳ ಕೊರ್ತೆ. ಇಂದೆನ್ ಪ್ರಯಾಣಿಕೆ ಒರಿ ವಿಡಿಯೋ ಮಲ್ತ್ದ್ ಸಾಮಾಜಿಕ ಬಲೆತ್ತಾನೊಡು ಪಟ್ಟ್ದಿತ್ತೆರ್.