Last updated on April 25th, 2025 at 06:25 pm
ಬಂಟ್ವಾಳ: ಬಸ್ ಕಂಡೆಕ್ಟರ್ ಒರಿ ಬಾಲೆಗ್ ಟಿಕೆಟ್ ಗೆತೊನಂದಿನ ವಿಚಾರೊಡು ಪೊಂಜೊವು ಒರ್ತಿಗ್ ಹಲ್ಲೆ ಮಲ್ದೆರ್ ಪನ್ದ್ ಆರೋಪ ಕೇನ್ದ್ ಬೈದ್ಂಡ್.
ಕುಡ್ಲರ್ದ್ ಬೆಂಗಳೂರ್‌ಗ್ ಪೋಪುನ ಬಸ್ಸ್‌ಡ್ ಗುರುವಾರ ರಾತ್ರೆ ಬಾಲೆಗ್ ಟಿಕೆಟ್ ಗೆತೊನಂದಿನ ವಿಚಾರೊಡು ಪೊಂಜೊವು ಬೊಕ್ಕ ಕಂಡಕ್ಟರ್‌ನ ನಡುಟು ಪಾತೆರೊಗು ಪಾತೆರ ಬುಲೆದ್ಂಡ್, ಕಂಡಕ್ಟರ್ ಟಿಕೆಟ್ ಕೊರ್ಪುನ ಪಣೆಟ್ ಪೊಂಜೊವುಗು ಹಲ್ಲೆ ಮಲ್ದೆರ್ ಪನ್ದ್ ಆರೋಪ ಮಲ್ತ್‌ದ್ ವಾದ ನಡತ್‌ದ್ಂಡ್.
ಬಸ್ಸ್‌ನ್ ಉಂತಾಲೆ, ಪೊಲೀಸೆರೆಡ ಒಯಿಲ್ ಬರೆಪಾವ ಪನ್ದ್ ಪೊಂಜೊವು ಕೇನ್ನಗ ಡ್ರೈವರ್ ಬಸ್ಸ್ ಉಂತಾದಿಜೆರ್. ಅವೆರ್ದ್ ಬೊಕ್ಕ ಬಸ್ಸ್‌ಡಿತ್ತಿನ ಪ್ರಯಾಣಿಕೆ ಒರಿ ಬಂಟ್ವಾಳ ಪೇಂಟೆ ಪೊಲೀಸೆರೆಗ್ ಒಲವು ಕೊರ್ತೆರ್. ಪಿಎಸ್‌ಐ ರಾಮಕೃಷ್ಣೆರ್ ಬೊಕ್ಕ ಸಿಬ್ಬಂದಿಲು ಬಸ್ಸ್‌ನ್ ಬಿ.ಸಿ.ರೋಡ್ ಉಂತಡೆಡ್ ಉಂತಾದ್, ವಿಚಾರಣೆ ಮಲ್ತ್‌ದೆರ್ ಪನ್ದ್ ತೆರಿದ್ ಬೈದ್ಂಡ್.