ಜಾತಿಗಣತಿದ ಒಟ್ಟುಗು ಸಾಮಾಜಿಕ, ಶೈಕ್ಷಣಿಕ, ಆರ್ಥಿಕ ಸಮೀಕ್ಷೆಲಾ ಆವೊಡು’- ಸಿ.ಎಂ ಸಿದ್ದರಾಮಯ್ಯೆರ್

Last updated on May 2nd, 2025 at 10:45 am

ಬೆಂಗಳೂರು, ಮೇ. 02: ಜನಗಣತಿದ ಒಟ್ಟುಗು ಜಾತಿಗಣತಿ ಮಲ್ಪುನ ಕೇಂದ್ರ ಸರ್ಕಾರೊದ ನಿರ್ಧಾರೊನು ಎದುಕೊನುವೆ. ಅವೆತ ಒಟ್ಟುಗು ಸಾಮಾಜಿಕ, ಶೈಕ್ಷಣಿಕ, ಆರ್ಥಿಕ ಸಮೀಕ್ಷೆಲಾ ನಡಪೊಡು ಪನ್ದ್ ಮುಖ್ಯಮಂತ್ರಿ ಸಿದ್ದರಾಮಯ್ಯೆ ಕೇಂದ್ರ ಸರ್ಕಾರೊಗು ಆಗ್ರಹ ಮಲ್ತೆರ್.

ಕೋಡೆ ಕಾವೇರಿ ನಿವಾಸೊಡು ಪತ್ರಿಕಾಗೋಷ್ಠಿಡ್ ಪಾತೆರ್ನ ಆರ್, ದೇಶೊದ ಜನತೆಗ್ ಸಾಮಾಜಿಕ ನ್ಯಾಯ ಕೊರ್ಪುನ ದಿಟ್ಟಿಡ್ ಜಾತಿ ಗಣತಿದ ಒಟ್ಟುಗು ಸಾಮಾಜಿಕ, ಶೈಕ್ಷಣಿಕ ಸಮೀಕ್ಷೆ ನಡಪೊಡು. ಮೀಸಲಾತಿಡ್ ಶೇ.50% ಗರಿಷ್ಠ ಲಿಮಿಟ್‌ನ್ ದೆತ್ತ್‌ದ್ ಜನಸಂಖ್ಯೆದ ಲೆಕ್ಕೊಡು ಮೀಸಲಾತಿ ಕೊರೊಡು. ಜಾತಿ ಗಣತಿಗ್ ಬೇಗ ದಿನ ಗೊತ್ತು ಮಲ್ಪೊಡು. ರಾಹುಲ್ ಗಾಂಧಿಲಾ ಉಂದೆನೇ ಆಗ್ರಹ ಮಲ್ತಿತ್ತ್‌ದ್, ಜಾತಿ ಗಣತಿದ ಪೊರ್ತುಡು ಸಾಮಾಜಿಕ, ಆರ್ಥಿಕ ಸಮೀಕ್ಷೆ ಮಲ್ಪೆರೆ  ಕೇಂದ್ರ ಸರ್ಕಾರೊಗು ಒತ್ತಾಯ ಮಲ್ತೆರ್.