Last updated on May 13th, 2025 at 07:33 am
ಶ್ರೀನಗರ ಮೇ 12: ಪ್ರಧಾನಿ ನರೇಂದ್ರ ಮೋದಿಯೆರ್ ಪಾಕಿಸ್ತಾನೊಗು ಎಚ್ಚರ್ಗೆ ಕೊರ್ನ ಬೆರಿಟೇ ಪಾಕಿಸ್ತಾನ ಸೀಸ್‌ಫೈರ್ ಉಲ್ಲಂಘನೆ ಮಲ್ತ್‌ದ್ ಜಮ್ಮು-ಕಾಶ್ಮೀರದ ಸಾಂಬಾಡ್ ಡ್ರೋನ್ ದಾಳಿ ದುಂಬರಿತ್‌ದ್ಂಡ್ ಪನ್ಪಿನ ಒಲವು ತಿಕ್ಕ್‌ದ್ಂಡ್.
ಜಮ್ಮು ಕಾಶ್ಮೀರದ ಸಾಂಬಾಡ್ ಕತ್ತಲೆ ಬೂರಿಲೇಕನೆ ಭಾರತೊದ ವಾಯು ರಕ್ಷಣಾ ಪಡೆಕುಲು ಪಾಕಿಸ್ತಾನಿ ಡ್ರೋನ್‌‌ಲೆನ್ ಆಕೊಂದಿತ್ತಿಲೆಕನೆ ಬಾನೊಡು ಕೆಂಪು ಸ್ಫೋಟ ಅಂಚೆನೇ ಸ್ಫೋಟದ ಶಬ್ದ ಕೇನ್ದ್ ಬೈದ್ಂಡ್ ಪನ್ದ್ ಎಎನ್ಐ ಸೇರ್ದ್ ಪಲು ರಾಷ್ಟ್ರೀಯ ಮಾಧ್ಯಮೊಲು ವರದಿ ಮಲ್ತ್‌ದ.
ಜಮ್ಮು-ಕಾಶ್ಮೀರ ಮಾತ್ರ ಅತ್ತಂದೆ ಕಥುವಾ, ಅಮೃತ್‌ಸರಡ್ಲಾ ಪಾಕ್ ಡ್ರೋನ್‌ಲ್ ಭಾರತೊದ ಮಿತ್ತ್ ದಾಳಿಗ್ ಪುನೆದಿತ್ತ್‌ದ್, ಭಾರತೀಯ ಸೇನೆ ಅವೆನ್ ಗಟ್ಟಿ‌ಡೆ ಉಂತುದು ವಿಫಲ ಮಲ್ದ್ಂಡ್.
ಪ್ರಧಾನಿ ದೇಶೊನು ಉದ್ದೇಶಿತ್‌ದ್ ಪಾತೆರ್ನ ಪೊರ್ತುಡು ಒವ್ವೇ ನ್ಯೂಕ್ಲಿಯರ್ ಬ್ಲಾಕ್‌ಮೇಲ್‌ಲ್ ಎಂಕ್ಲೆನ ಎದುರು ನಡಪುಜ ಪನ್ದ್ ಪನ್ದಿತ್ತ್‌ದ್, ಭಾರತೊಡು ಭಯೋತ್ಪಾದಕ ದಾಳಿಗ್ ಸಮ ಪ್ರತಿಕ್ರಿಯೆನ್ ತೂವೊಡಾಪುಂಡು ಪನ್ದ್ ಮೋದಿ ದೇಶೊದ ಜನೊಕುಲೆಗ್ ಮಲ್ದಿನ ಭಾಷಣೊಡು ಎಚ್ಚರ್ಗೆ ಕೊರಿಯೆರ್. ಈ ವಾರ್ನಿಂಗ್‌ದ ಒಂತೆ ನಿಮಿಷ ಕರಿದ್ ಪಾಕ್ ಕುಡ ಭಾರತೊದ ಮಿತ್ತ್ ದಾಳಿಗ್ ಪುನೆದ್ಂಡ್.