Last updated on May 18th, 2025 at 09:39 am
ಒಡಿಪು, ಮೇ 17: ವಾಟ್ಸಾಪ್‌ಡ್ ಬತ್ತಿನ ಫೇಕ್ ಸ್ಟಾಕ್ ಮಾರ್ಕೆಟ್ ಗ್ರೂಪ್‌ನ್ ನಂಬ್‌ದ್ ಆಂಜೊವು ಒರಿ 2.3 ಕೋಟಿ ರೂಪಾಯಿ ಕಲೆವೊಂದಿನ ನಡಕೆ ಒಡಿಪುಡು ನಡತಿತ್ತ್‌ದ್, ಈ ಬಗೆಟ್ ಸೆನ್ ಸ್ಟೇಷನ್‌ಡ್ ಪ್ರಕರಣ ದಾಕಲಾತ್ಂಡ್.
ಜಯಾನಂದೆ ಪನ್ಪಿನಾರೆನ್ ಏರಾ ಗುರ್ತದಾಂತಿನಕುಲು ‘ದಿ ವೆಲ್ತ್ ಆರ್ಕಿಟೆಕ್ಟ್’ ಪನ್ಪಿನ ವಾಟ್ಸ್ಆ್ಯಪ್ ಗ್ರೂಪ್‌ಗ್ ಗೋಡ್ಯಾದಿತ್ತ್‌ದ್, ಆ ಗ್ರೂಪ್‌ಡ್ ಕೋಪರ್ನಿಕ್ ಡಿಮ್ಯಾಟ್ ಅಕೌಂಟ್ ಓಪನ್ ಮಲ್ತ್ ಸ್ಟಾಕ್ ಮಾರ್ಕೆಟ್‌ಡ್ ಕಾಸ್ ಪಾಡುಪ ಬಗೆಟ್ ಮೆಸೇಜ್‌ಲ್ ಬರೊಂದಿತ್ತ. ಅಂಚೆನೇ ಏಪ್ರಿಲ್ 1ರ್ದ್ ಮೇ 13ಮುಟ್ಟ ಜಯಾನಂದೆರ್ ಮೊಕುಲು ಕೊರ್ತಿನ ಬೇತೆ ಬೇತೆ ಬ್ಯಾಂಕ್ ಅಕೌಂಟ್‌ಲೆಗ್ ಒಂತೆ ಒಕತೆನೇ ಪನ್ದ್ ₹2.30 ಕೋಟಿ ಕಡಪುಡ್ದ್ ಮಂಗೆ ಆತೆರ್ ಪನ್ದ್ ಒಯಿಲ್‌ಡ್ ಬರೆಪಾದೆರ್.
ಇನ್ವೆಸ್ಟ್ ಮಲ್ದಿನ ಕಾಸ್ ಆವಡ್, ಅವೆತ ರಿಟರ್ನ್ಸ್ ಆವಡ್ ಕೊರಂದೆ ದಗೆ ಮಲ್ದೆರ್ ಪನ್ದ್ ಜಯಾನಂದೆ ತೆರಿಪಾದೆರ್.