Last updated on May 20th, 2025 at 05:34 pm
ತುಳುನಾಡೊರ್ಮೆ ಭಾರೀ ಗಾಳಿ ಬರ್ಸ ಬರೊಂದಿತ್ತ್ದ್ ಪಾಕ ಕಡೆಟ್ ಬೊಲ್ಲದ ಸ್ಥಿತಿ ಉಂಡಾತ್ಂಡ್. ಒಡಿಪು ಪೇಂಟೆಡ್ ಭಾರಿ ಬರ್ಸೊರ್ದಾವರ ಕೃತಕ ನೆರೆ ಉಂಡಾತ್ಂಡ್.
ಹವಾಮಾನ ಇಲಾಖೆ ಇನಿ ಬೊಕ್ಕ ಎಲ್ಲೆ ರೆಡ್ ಅಲರ್ಟ್ ಘೋಷಣೆ ಮಲ್ದ್ಂಡ್. ಮೀನ್ ಪತ್ತುನಕುಲು ಕಡಲ್ಗ್ ಜಪ್ಪಂದಿಲೆಕ ಎಚ್ಚರ್ಗೆದ ಸೂಚನೆ ಕೊರ್ತುಂಡು. ಅಂಚೆನೇ ಇನಿ ಕಾಂಡೆರ್ದ್ ಎಡ್ಡೆ ಬರ್ಸ ಬತ್ತ್ದ್ಂಡ್. ಬುಡಂದೆ 3 ಗಂಟೆ ದೊರಿನ ಬರ್ಸಗ್ ಇಲ್ಲ್ ಪಿದಡ್ರೆ ಆವಂದೆ ಜನ ಬಂಙ ಬೈದೆರ್. ತಗ್ಗ್ ಜಾಗೆಲೆಡ್ ಕೃತಕ ನೆರೆ ಉಂಡಾದ್ ಜನೊಕುಲೆಗ್ ಬಾರೀ ಬಂಙ ಆಂಡ್.
ಮಣಿಪಾಲದ ಐನಾಕ್ಸ್ ಕೈತಲ್ದ ಸಾದಿ ಅಲಕ್ಕ ಮುರ್ಕುದು ಸುದೆತ ಲೆಕ ತೋಜೆದ್ಂಡ್. ಅಂಚಾದ್ ಪಿಕ ಗಾಡಿಲು ಒಡಿಪುರ್ದ್ ಮಣಿಪಾಲ ಪೋಯೆರ ಸಾದಿ ಪಗತ್ದ್ ಪೋವೊಡಾಂಡ್.
ಅವೈಜ್ಞಾನಿಕ ಚರಂಡಿ ನಿರ್ಮಾಣ ಬೊಕ್ಕ ಒರರ್ದ್ ಒರಾನೆ ಬತ್ತಿನ ಗಾಳಿ ಬರ್ಸದೊಟ್ಟುಗು ಕೆಸರ್ ನೀರ್ ಬತ್ತಿನೆರ್ದಾವರ ತಗ್ಗ್ ಜಾಗೆದ ಅಂಗಡಿಲ್ ಇಲ್ಲ್ಲೆಗ್ ನೀರ್ ಪೊಗ್ಗುದುಂಡು.