Last updated on May 25th, 2025 at 10:22 am
ಉಳ್ಳಾಲ, ಮೇ. 25: ಬೈಕ್ ಸ್ಕಿಡ್ ಆದ್ ಬೂರಿನೆರ್ದಾವರ ಗಾತಿದ ಗಡಿಕುಲಾದ್ ಬೈಕ್ ಬುಡೊಂದಿತ್ತಿನಾರ್ ತೀರ್ದಿನ ನಡಕೆ ರಾಷ್ಟ್ರೀಯ ಪೆರ್ಸಾದಿ 66 ತ ಕೊಲ್ಯ ಪನ್ಪಿನಲ್ಪ ಮೇ 23ತಾನಿ ರಾತ್ರೆ ನಡತ್ದ್ಂಡ್.
ಸೋಮೇಶ್ವರ ಗ್ರಾಮೊದ ಪಿಲಾರ್ ಅಂಬಿಸಾದಿ ನಿವಾಸಿ ಇಲೆಕ್ಟ್ರೀಷಿಯನ್ ಆದ್ ಬೆನೊಂದಿತ್ತಿನ ಮನೋಜ್ ಗಟ್ಟಿ(54) ತೀರ್ದಿನಾರ್. ಮನೋಜ್ ಮುರಾನಿ ರಾತ್ರೆ ಕೋಟೆಕಾರ್ದ ಕೊಂಡಾಣ ಕ್ಷೇತ್ರೊದ ಕಡೆ ಬಂಡಿಗ್ ತನ್ನ ಬೈಕ್ಡ್ ಪೋದು ಪಿರಬನ್ನಗ ಕೊಲ್ಯಡ್ ಬೈಕ್ ಸ್ಕಿಡ್ ಆದ್ ಬೂರ್ದೆರ್.
ಸಾದಿಗ್ ದಕ್ಕಿಲೆಕ ಆಯಿನ ಮನೋಜ್ಗ್ ಗಾತಿದ ಗಡಿಕುಲಾದಿತ್ತ್ದ್, ಆರೆನ್ ಮುಟ್ಟದಕುಲು ಅಪಗನೇ ದೇರಳಕಟ್ಟೆದ ಪ್ರೈವೇಟ್ ಆಸ್ಪತ್ರೆಗ್ ದಾಕಲ್ತ್ದೆರ್. ಆಂಡ ಮರ್ದ್ ಪಲಿಪಂದೆ ತೀರ್ದೆರ್.