Last updated on June 2nd, 2025 at 09:53 am
ಕಡಬ, ಜೂ.02: ದುಂಬೇ ಅನು ಗೆತೊನಂದೆ ಜೂನ್ 1 ತ ರಾತ್ರೆ ಕಡಬ ಪೊಲೀಸ್ ಸ್ಟೇಶನ್ದ ಎದುರು ಕಾನೂನುಬಾಹಿರ ಪೊರ್ಮ್ಬಾಟ ಮಲ್ತಿನ 15 ಜನತ ಮಿತ್ತ್ ಕೇಸ್ ಪಾಡ್ದೆರ್.
ಕುಡ್ಲ ಜಿಲ್ಲೆಡೊರ್ಮೆ ಕಾನೂನು ಸುವ್ಯವಸ್ಥೆ ಒರಿತೊನುನ ಪುನೆಪುಡು ಬೇತೆ ಬೇತೆ ಸಂಘಟನೆಲೆನ ಪ್ರಮುಖ ಪದುಕೆರೆ ಬ್ಯಾಕ್ಗ್ರೌಂಡ್ ಪರಿಶೀಲನೆ ಮಲ್ತೊಂದುಪ್ಪುನ ಪೊಲೀಸೆರ್ ಗೆತೊಂದಿನ ದುಂಬೆಚ್ಚರ್ಗೆದ ಕ್ರಮೊಕುಲೆನ್ ವಿರೋಧ ಮಲ್ತ್ದ್ ಈ ಪ್ರತಿಭಟನೆ ಮಲ್ತ್ದೆರ್ ಪನ್ದ್ ವರದಿ ಆತ್ಂಡ್.
ಪ್ರಮೋದ್ ರೈ ನಂದುಗುರಿ, ತಿಲಕ್ ನಂದುಗುರಿ, ಮೋಹನ ಕೆರೆಕೋಡಿ, ಚಂದ್ರಶೇಖರ ನೂಜಿಬಾಳ್ತಿಲ, ಮಹೇಶ್ ಕುಟ್ರುಪ್ಪಾಡಿ, ಡೀಕಯ್ಯ ನೂಜಿಬಾಳ್ತಿಲ, ಸುಜಿತ್ ಕುಟ್ರುಪ್ಪಾಡಿ, ಶರತ್ ನಂದುಗುರಿ, ಶ್ರೇಯತ್, ನಂದುಗುರಿ, ಉಮೇಶ್ ನೂಜಿಬಾಳ್ತಿಲ, ರಾದಾಕೃಷ್ಣ. ಕೆ, ಜಯಂತ್ ಬೊಕ್ಕ ಬೇತೆ ಮೂಜಿ ಜನತ ಮಿತ್ತ್ ಎಫ್ಐಆರ್ ದಾಕಲಾತ್ಂಡ್.
ಅಧಿಕೃತ ಅನು ದಾಂತೆ ಕಾನೂನುಬಾಹಿರ ಸಭೆ ಬೊಕ್ಕ ಪ್ರತಿಭಟನೆನ್ ಉಲ್ಲೇಖಿತ್ದ್ ಕಡಬ ಪೊಲೀಸೆರ್ ಭಾರತೀಯ ನ್ಯಾಯ ಸಂಹಿತೆ (ಬಿಎನ್ಎಸ್) 2023 ತ ಐಪಿಸಿ ಸೆಕ್ಷನ್ 189 (2) ಬೊಕ್ಕ 190 ತ ಅಡಿಟ್ ಪ್ರಕರಣ ದಾಕಲ್ತೊಂದೆರ್.