Last updated on June 6th, 2025 at 12:19 pm
ಬೊಲ್ತೇರ್, ಜೂನ್ 06: ಕಾಡಾನೆದ ದಾಳಿಗ್ ರಿಕ್ಷಾ ಅಲಕ್ಕ ಞಕ್ಕೆ ಆತಿನ ನಡಕೆ ಕುಡುಮದ ಬೊಳಿಯಾರ್ದಲ್ಪ ನಡತ್ದ್ಂಡ್.
ಬೊಳಿಯಾರ್ದ ದಿನೇಶ್ ಪನ್ಪಿನಾರ್ ತನ್ನ ರಿಕ್ಷಾಡ್ ಕಾಂಡೆ ಇಲ್ಲರ್ದ್ ಕುಡುಮದಂಚಿ ಪೋವೊಂದುಪ್ಪುನಗ ಇಲ್ಲದ ಕೈತಲೇ ಕಾಡಾನೆ ಒಂಜಿ ಸಾದಿಡ್ ಅಡ್ಡ ತಿಕ್ಕ್ದ್ಂಡ್. ಅವೆನ್ ತೂದು ಪೋಡಿನ ದಿನೇಶೆರ್, ರಿಕ್ಷಾನ್ ಅಲ್ಪನೇ ಬುಡ್ದು ಬಲ್ತ್ದೆರ್.
ಅವೆರ್ದ್ ಬೊಕ್ಕ ಕಾಡಾನೆ ರಿಕ್ಷಾದ ಮಿತ್ತ್ ಬೂರ್ದ್ ರಿಕ್ಷಾನ್ ಞಕ್ಕೆ ಮಲ್ತ್ಪಾಡ್ದ್, ಬರಿತ ಕಣಿಕ್ ನೂಕುದು ಪಾಡ್ದ್ಂಡ್. ಜನೊಕುಲು ಜಾಗೆಗ್ ಬತ್ತಿನೇ ಆನೆ ಕಾಡ್ದಂಚಿ ಪೋತುಂಡು. ಞಕ್ಕೆ ಆದ್ ಬೂರ್ದಿನ, ತನ್ನ ಬಂಜಿದ ಪಡಿ ರಿಕ್ಷಾದ ಸ್ಥಿತಿ ತೂದು ಕುಸ್ಕ್ದ್ ಬೂರ್ದಿನ ದಿನೇಶೆರೆನ್ ಆರೆನ ಇಲ್ಲದಕುಲು ಲೆತೊಂದು ಪೋದು ಉಪಚಾರ ಮಲ್ದೆರ್. ಜಾಗೆಗ್ ಅರಣ್ಯ ಇಲಾಖೆದ ಅಧಿಕಾರಿಲು ಅಂಚೆನೇ ಗ್ರಾಮ ಪಂಚಾಯತ್ ಅಧಿಕಾರಿಲು ಬತ್ತ್ದ್ ಪರಿಶೀಲನೆ ಮಲ್ತ್ದೆರ್.