Last updated on June 17th, 2025 at 08:44 am
ಯುವವಾಹಿನಿ ಮುಲ್ಕಿ ಘಟಕದ ಪೊಸ ಪದುಕೆರೆನ್ ಅಜಪುನ ಲೇಸ್ ಜೂನ್ 14ಕ್ಕ್ ಬಿರುವ ಸಮಾಜ ಸೇವಾ ಸಂಘ ಮುಲ್ಕಿಡ್ ನಡತ್ಂಡ್.
ಈ ಪೊರ್ತುಡು ಪೊಸ ಗುರ್ಕಾರೆ ಆದ್ ವಿನಯ್ ಕುಮಾರ್ ಮಟ್ಟು, ಕಾರ್ಯಂತೆರ್ ಆದ್ ಪ್ರೇರಣಾ, ಪನವುದ ಪಾಲವೆರಾದ್ ಪ್ರಥ್ವಿಕ್ ಡಿ.ಕೋಟ್ಯಾನ್ ಮೇರ್ ಅಧಿಕಾರ ವೈಸೊಂಡೆರ್. ಪೊಸ ಕಾರ್ಯಕಾರಿ ಸಮಿತಿ ಅಂಚೆನೆ ಪೊಸ ಪದುಕೆರೆನ ಪ್ರಮಾಣವಚನ ಲೇಸ್ ನಡತ್ಂಡ್.
ಕರಿನ ವರ್ಸದ ಗುರ್ಕಾರೆಯಾಯಿನ ರಿತೇಶ್ ಮೇರ್ ಬತ್ತಿ ಬಿನ್ನೆರೆನ್ ಎದ್ಕೊಂಡೆರ್. ಲೇಸ್ ಡ್ ಎಡ್ಡೆ ಮಾರ್ಕ್ ದೆತೊಂದಿನ ಸಮಾಜದ ಜೋಕುಲೆಗ್ ಮಾನಾದಿಗೆ ನಡತ್ಂಡ್. ಯುವವಾಹಿನಿ ಕೇಂದ್ರ ಸಮಿತಿದ ಗುರ್ಕಾರ್ಲಾಯಿನ ಲೋಕೇಶ್ ಕೋಟ್ಯಾನ್, ನಮ್ಮ ಕುಡ್ಲದ ಲೀಲಾಕ್ಷ ಕರ್ಕೇರ, ತುಳು ಸಂಶೋಧಕೆರಾಯಿನ ಮಹಿ ಮುಲ್ಕಿ, ಮುಲ್ಕಿ ಬಿರುವ ಸಂಘದ ಗುರ್ಕಾರ್ಲಾಯಿನ ವಾಮನ ಕೋಟ್ಯಾನ್ ನಡಿಕುದ್ರು, ಕೇಂದ್ರ ಸಮಿತಿನ ಕಾರ್ಯಂತೆರಾಯಿನ ಲೋಹಿತ್, ಸುಳ್ಯ ಘಟಕದ ಲತೀಶ್ ಸಾಲ್ಯಾನ್ ಅಂಚೆನೆ ಮುಲ್ಕಿದ ಪನವುದ ಪಾಲವೆರಾಯಿನ ಜ್ಯೋತಿ ರಾಮಚಂದ್ರ ಮೊಕುಲು ಚಾವಡಿದ ಮಿತ್ತರ್ಮೆಡ್ ಇತ್ತೆರ್.